Күнделікті нұр, 22 қаңтар: Бұл Құдай — мәңгілік Құдайымыз

«Бұл Құдай — мәңгілік Құдайымыз, Деміміз біткенше Ол — жетекшіміз!»

Забур жырлары 47:15

Уа, Жаратқан Ие, менің Құдайымсың Сен! Құрметтеп Сені атыңды мақтаймын мен. Сондай керемет істерді жасадың, Өзің көп бұрын оларды жоспарладың, Шынайы адалдықпен жүзеге асырдың.

Ишая 25:1

Уа, Ием, маған жар болып келесің, Жарылқап мені амандық бересің.

Забур жырлары 15:5

Есімі «Қасиетті» деп аталады, Содан артамын Оған сенімімді: Ол мені тура жолмен жетелейді. Қап-қараңғы шатқалда жүрсем де мен, Қорықпаймын ешбір қауіп-қатерден, Себебі Өзің менің қасымдасың, Жігер береді сойылың мен таяғың.

Забур жырлары 22:3–4

Сен мені ұстап қолдайсың оң қолымнан, Ақыл-кеңесіңмен мені бастайсың, Ақыры салтанатыңа қабылдайсың. Өзіңнен басқа кімім бар еді көкте? Өзге ештеңе аңсамаймын жерде де! Тәнім әлсіреп, жаным шаршағанмен, Уа, Құдай, мәңгілік жар боласың Сен, Жүрегімнің берік тірегі бола бересің.

Забур жырлары 72:23–26

Жүрегіміз шаттанады Иемізге, Кәміл сенеміз киелі есіміне!

Забур жырлары 32:21

Осыны істейді мен үшін Жаратқан, Рақымың, уа, Ием, ұласады әрқашан, Бас тартпа бізден, өз жаратылысыңнан.

Забур жырлары 137:8

Уайым-қайғы кернегенде менің жүрегімді, Сенің жұбанышың жадыратты көңілімді.

Забур жырлары 93:19

Өзіңе сиынамын жердің шетінен, Шыға алмас шыңға мені шығаршы Сен.

Забур жырлары 60:3

Азаптан мені құтқаршы, уа, Тәңірім!

Ишая 38:14

Жаратқан Иеге арт бар уайымыңды, Ол сені қолдап.

Забур жырлары 54:23

Ал мен әлі жаспын, өз міндеттерімді қалай атқаруды білмеймін.

Патшалықтар 3-ж. 3:7

Ал егер кейбіреулерің даналыққа мұқтаж болсаңдар ... Тәңір Иеміз еш жазғырмай-ақ бәріне жомарттықпен бере салады.

Жақыптың хаты 1:5

Ал кім мұндай жауапты қызметті атқаруға қабілетті?

Қорынттықт. 2-хат 2:16

Менің бойымда, яғни ескі күнәкар болмысымда, жақсылық жоқ екенін білемін.

Римдіктерге хат 7:18

Менің рақымым саған жетер: күшсіз жағдайыңда Менің құдіретім толықтай іске аса алады.

Қорынттықт. 2-хат 12:9

Жігерлен, балам, сенің күнәларың кешірілді! — деді ... жігерлен, сенімің арқылы құтқарылдың! — деді.

Матай 9:2, 22

Өйткені жіліктің майлы басынан Гөрі Өзіңнен мол ләззат табамын ... Төсекке жатып Сені еске аламын, Түні бойы Сен жайлы ойланамын.

Забур жырлары 62:6–7