Күнделікті нұр, 6 наурыз: Құдайың Жаратқан Ие араңда тұр!

Өзіне бағышталғанның жолын аман сақтар.

Нақыл сөздер 2:8

Алайда сендер Құдай Иеміздің істегендеріне қарамастан Оған сенім артпадыңдар! Ал Ол сапарларыңның кезінде түнде жайнаған отпен, күндіз бағана тәрізді бұлтпен алдарыңда жүріп, тұрақтайтын жерлерің мен жүретін жолдарыңды нұсқап отырды.

Заңды қайталау 1:32–33

Бүркіттей ұясын күзетіп тұрған, Балапандары үстінен қалықтаған, Олар үшін қанаттарын кең жайған, Қауырсын қанатымен тасыған. Жаратқанның жалғыз Өзі халқын бастады.

Заңды қайталау 32:11–12

Әділдің қадамын Жаратқан нығайтады, Жүрген өмір жолын Ол ұнатады, Сүрінсе әділ жан, біржола құламайды, Жаратқан оны қолынан демеп қолдайды.

Забур жырлары 36:23–24

Әділ жан қиындықты көп көреді, Ал Иеміз оны бәрінен азат етеді.

Забур жырлары 33:20

Әділдің қамын Жаратқан ойлайды, Ал құдайсыздың ізі де қалмайды.

Забур жырлары 1:6

Тағы да мынаны білеміз: барлық жағдайларда Құдай Өзін сүйетіндердің игілігі үшін әрекет етеді, себебі Ол бізді өз мақсатына сай таңдап алды.

Римдіктерге хат 8:28

Ал бізге Құдайымыз Жаратқан Ие жар болып, біз үшін шайқасатын болады!

Шежірелер 2-ж. 32:8

Құдайың Жаратқан Ие араңда тұр! Ол — батыр іспетті құдіретті Құтқарушы саған қатты шаттанады.

Софония 3:17

Неліктен Мені жалғыз қалдырдың? дегенді білдіреді.

Матай 27:46

Алайда Құдайдың Қызметшісі біздің күнәларымыз үшін түйреліп, біздің әділетсіз істеріміз үшін құртылды. Оның тартқан жазасы бізге амандық пен тыныштық әкелді. ... Ал Жаратқан Ие бәріміздің күнәларымызды Қызметшісінің мойнына артты. ... Ол халқымның күнәларына бола азапталып, бұ дүниеден аластатылды. Алайда Жаратқан Иенің Қызметшісі Оның еркімен азап шегіп құртылды.

Ишая 53:5–6, 8, 10

Біз Иеміз Исаны қайта тірілткен Құдайға деген сеніміміз арқылы ақталамыз. Құдай Иеміз Исаны күнәміздің құнын өтеу үшін құрбандыққа қиды және ақталғандығымызды дәлелдеу үшін қайта тірілтті.

Римдіктерге хат 4:24–25

Мәсіх те әділ бола тұра, әділетсіздер үшін азап шекті. Ол бізді Құдаймен табыстыру үшін күнәларымызға бола біржола құрбан болды.

Петірдің 1-хаты 3:18

Біз күнәнің құлдығынан босатылып, әділ өмір сүре алуымыз үшін Мәсіх айқыш ағашта күнәларымыздың айыбын өз денесінде көтеріп тұрды. Осылай Оның жаралары арқылы (рухани дертімізден) сауықтық.

Петірдің 1-хаты 2:24

Тәңір Ие біздің күнәларымызды ешқашан күнә жасамаған Мәсіхке артты. Онымен тығыз байланысқан біз осы арқылы Құдайдың алдында ақталдық.

Қорынттықт. 2-хат 5:21

Алайда айқыш ағашқа шегеленіп ілінген кезде Мәсіх бізге тиісті қарғысты өз мойнына алып, бізді Таурат заңы мәлімдеген қарғыстан құтқарды!

Ғалаттықт. хат 3:13