2013 ж. 5 сәуір, жұма

Күнделікті нұр

Әлгі кісі: — Мені қоя бер, таң атып қалды, — деді. Ал Жақып: — Маған батаңды бермейінше сені жібермеймін, — деп жауап берді.

Жаратылыстың баст. 32:26

Әйтпесе солар Мені паналасын, Менімен бітімге келіп, татулассын, Осылай Өзіммен ынтымақта болсын!

Ишая 27:5

Иса: — Қарындас, сенімің ғаламат зор екен! Тілегенің болсын! — деді. Сол сәтте-ақ оның қызы сауығып кетті.

Матай 15:28

Сонда Иса: — Сенімдеріңе сай болсын! — деп, көздеріне саусағын тигізді.

Матай 9:29

Тек шүбәланбай, сеніммен Құдайдан сұрауларың керек. Себебі күмәнданған адам жел айдап, соқтығысқан теңіз толқынына ұқсас. Мұндай кісі Жаратқан Иеден бір нәрсе аламын деп күтпесін:

Жақыптың хаты 1:6–7

Олар бара жатқан ауылға жақындағанда, Иса тоқтамай жүре беретін сыңай танытты. Бірақ екі шәкірт: — Бізбен бірге бола көріңіз! Күн кеш болды, көп ұзамай қараңғы түседі, — деп қадала өтінді. Сонда Ол үйге кіріп, екеуімен бірге қалды.

Лұқа 24:28–29

Сонда екі шәкірттің көздері ашылып, Оны таныды. Бірақ Ол кенеттен көздеріне көрінбей қалды. Олар біріне-бірі: «Ол жолшыбай бірге келе жатып, бізге Киелі жазбалардың мәнін ашып бергенде, жүректеріміз жалындап кеткен жоқ па еді?» — десті.

Лұқа 24:31–32

Егер де маған риза болсаң, (бізді жүргізетін) өз жолдарыңды білдіре гөр. Сонда мен Өзіңмен тығыз байланыста тұрамын, келешекте де Сенің рақымың маған түсетін болады. Мына ұлттың Өзіңнің таңдап алған халқың екенін есіңнен шығара көрме, — деді. Жаратқан Ие: — Өзім бірге барып жар болып, жаныңа тыныштық сыйлаймын, — деп жауап қайырды.

Мысырдан шығу 33:13–14

Басқа жаққа мойын бұрмай, бар назарымызды Исаға аударайық! Бастапқыда сенім жолын салған Ол бізді сеніміміз арқылы Құдай белгілеген мақсатымызға жеткізеді де. Иса Өзін күтіп тұрған зор қуаныш үшін айқышқа шегеленудің қорлығын елемей, соған төзді. Бұдан кейін Ол Құдайдың тағының оң жағындағы құрметті орнына жайғасып отырды.

Еврейлерге хат 12:2

Бүкіл әлемнің Билеушісі — әрдайым бар, мәңгі болып келген және болашақта келетін Құдай Ие: «Алғашқы да, Соңғы да Менмін!» — дейді.

Аян 1:8

Кім бұларды жоспарлап, жүзеге асырады? Кім болашақ дәуірлерді алдын ала жариялайды? Мұны істеуші Мен, Жаратқан Иемін! Алғашқы да, Соңғы да Өзіммін!»

Ишая 41:4

Тыныштықты сыйлайтын Құдай сендерді Өзіне толықтай бағышталдырып, қасиетті өмір сүргізсін. Иеміз Иса Мәсіх қайтып келгенде мінсіз болуларың үшін рухтарың мен жан-тәндерің кіршіксіз пәк сақталсын. Сендерді шақырған Құдай сенімді, Ол бұларды жүзеге асырады да.

Салониқал. 1-хат 5:23–24

Өмірлеріңде игі ісін бастаған Құдайдың оны жалғастыра беріп, Мәсіх Иса қайта оралар күнге дейін толықтай аяқтайтынына кәміл сенемін.

Філіпілікт. хат 1:6

Сондай түйсіксіз бе едіңдер: рухани өмірді Киелі Рухпен бастап, өз күштеріңмен кемелденбек екенсіңдер ғой?

Ғалаттықт. хат 3:3

Көкке көтерілсем, сол орындасың, Тұңғиыққа түссем де, Сен сондасың.

Забур жырлары 138:8

Себебі Өзіне ұнайтын істерді қалап, жүзеге асыруларыңа түрткі болушы — Құдай.

Філіпілікт. хат 2:13

Киелі кітап үзінділері Daily Light on the Daily Path кітабынан (қоғамдық игілік).

Оқу параметрлері

Соңғы күндер

Барлығын көру

2013 ж. 4 сәу.
Аян 1:17 · Еврейлерге хат 12:18
2013 ж. 3 сәу.
Петірдің 2-хаты 3:8–9 · Ишая 55:8–11
2013 ж. 2 сәу.
Жоханның 1-хаты 5:21 · Қорынттықт. 2-хат 6:17–18
2013 ж. 1 сәу.
Ғалаттықт. хат 5:22 · Римдіктерге хат 14:17
2013 ж. 31 нау.
Філіпілікт. хат 4:19 · Матай 6:33
2013 ж. 30 нау.
Жаратылыстың баст. 24:63 · Забур жырлары 19:14
2013 ж. 29 нау.
Матай 25:34 · Лұқа 12:32