2013 ж. 28 сәуір, жексенбі

Күнделікті нұр

Келесі күні Жақия өзіне қарай келе жатқан Исаны көріп: — Қараңдар, Мынау — Құдайдың құрбандыққа жіберген «Тоқтысы»! Ол адамзаттың күнәсін өз мойнына артып, сол үшін жанын қияды.

Жохан 1:29

Өйткені құрбанға шалынған бұқалар мен қошқарлардың қаны адамның күнәсін толығымен алып тастай алмайды. Сол себепті Мәсіх бұл дүниеге келгенде, Өзін құрбандыққа қиятыны туралы (Құдай Әкеге) мынадай сөздер айтқан: Құрбандықтар мен сый-тартуларды қаламадың, Бірақ Маған тәндік денемді дайындадың. Шалып, өртелетін не күнәнің құнын Өтейтін құрбандықтарды жақтырмадың. Сонда Мен былай дедім: «Міне, келе жатырмын, Уа, Құдай, Сенің еркіңді орындау үшін. Шиыршық кітапта Мен туралы жазылған».

Еврейлерге хат 10:4–7

Ол зорлық көріп қиналды, алайда аузын ашпады. Оны тоқты сияқты сойылатын жерге алып барды. Ол қырқылып жатқанда үні шықпайтын қой секілді тіс жармады.

Ишая 53:7

Олар қатты дауыспен әндетіп былай деді: «Құрбандыққа шалынған Тоқты Билік пен байлықты, Даналық пен құдіретті, Құрмет, ұлылық пен дәріпті Қабылдауға әбден лайықты!»

Аян 5:12

Әрі зорлық-зомбылықтан қорғайды, Олардың қанын қымбат деп санайды.

Забур жырлары 71:14

Бұған әлі жете қойған жоқпын, өзімді Құдайдың көздегеніндей жетілдім деп те есептемеймін. Бірақ соның ізіне түсіп, иемденуге тырысудамын. Дәл осыған бола Мәсіх Исаның Өзі мені иемденіп алды ғой.

Філіпілікт. хат 3:12

Сол себепті Мәсіхтің Ізгі хабарының ең бастапқы тәлімін былай қойып, одан бетер жетілу үшін алға басайық. Тағы да ең негізгі тақырыптарға: бізді рухани өлімге бастап әкететін қылықтардан бас тартып, Құдайға сенім арту жайында,

Еврейлерге хат 6:1

Әділдің жолы таң шапағы іспетті Тал түс болғанша жарқырай түседі.

Нақыл сөздер 4:18

Иемізді даңқтаңдар, барлық ұлттар! Оны мадақтаңдар, күллі халықтар! Ол зор мейірімін танытады, Бізге мәңгілік адал болады. Мадақтаңдар Иеміз — Жаратқанды!

Забур жырлары 116:1–2

(Дәуіттің жыры.) Менімен ерегісіп келгендермен Сен Өзің ерегісе гөр, уа, Ием. Маған қарсы күресіп келгендермен Сен Өзің күресе гөр, уа, Ием.

Забур жырлары 34:1

(Ән-күйдің жетекшісіне арналған ән әрі жыр.) Бар әлем, Құдайға қуана дауыстаңдар,

Забур жырлары 65:1

Әрбіреуінің алты қанаты болатын, қанаттардың тұла бойлары да толған көздер еді. Олар күні-түні тоқтамастан: «Бүкіл әлемнің Билеушісі — әрдайым болып келген, мәңгі бар және болашақта келетін Құдай Ие қасиетті, қастерлі, киелі!» — деп сиынумен болды.

Аян 4:8

Әрдайым Иемізбен байланыстарыңа қуаныңдар! Тағы да айтамын: қуаныңдар!

Філіпілікт. хат 4:4

Киелі кітап үзінділері Daily Light on the Daily Path кітабынан (қоғамдық игілік).

Оқу параметрлері

Соңғы күндер

Барлығын көру

2013 ж. 27 сәу.
Қорынттықт. 1-хат 7:29 · Әйүп 14:1–2
2013 ж. 26 сәу.
Таңдаулы ән 2:6 · Заңды қайталау 33:27
2013 ж. 25 сәу.
Матай 1:21 · Жоханның 1-хаты 3:5
2013 ж. 24 сәу.
Жаратылыстың баст. 21:1 · Забур жырлары 62:8
2013 ж. 23 сәу.
Забур жырлары 18:18 · Еремия 3:23
2013 ж. 22 сәу.
Леуіліктер 1:3–4 · Жаратылыстың баст. 22:8
2013 ж. 21 сәу.
Філіпілікт. хат 4:1 · Әйүп 23:11