2013 ж. 1 шілде, дүйсенбі

Күнделікті нұр

Ал Киелі Рух өмірлеріңде жетілдіретін игілікті «жеміс» мынадай: сүйіспеншілік, қуаныш, тыныштық, шыдамдылық, қайырымдылық, кеңпейілділік, сенімділік,

Ғалаттықт. хат 5:22

Сонымен сүйікті рухани баласы ретінде Құдайдан үлгі алыңдар!

Ефестікт. хат 5:1

Ал Мен сендерге айтамын: жауларыңды жақсы көріңдер! Өздеріңді қудалағандар үшін Жаратқан Иеге мінажат етіңдер! Осылайша көктегі Әкелеріңнің рухани балалары боласыңдар: Ол жамандарға да, жақсыларға да күн сәулесін бірдей түсіріп, әділдерге де, әділетсіздерге де жаңбырды бірдей жауғызады.

Матай 5:44–45

Сонымен көктегі Әкелерің қандай қайырымды болса, сендер де сондай қайырымды болыңдар!

Лұқа 6:36

Ал нұрдағы өмірдің өнімі — нағыз игілік, әділдік, шындық.

Ефестікт. хат 5:9

Алайда Құтқарушы Құдайымыз Өзінің қайырымын және адамзатқа деген зор сүйіспеншілігін айқын көрсеткенде бізді құтқарды. Ол бізді жасаған әділ істерімізге бола емес, Өзінің мейіріміне бола күнәдан жуып тазартып, Киелі Рухы арқылы рухани қайта туғызып жаңартты. Құдай бізді Өзінің Киелі Рухына Құтқарушымыз Иса Мәсіхтің арқасында молынан кенелтті.

Титке хат 3:4–6

Жат жұрттықтың мүддесін Жаратқан қорғайды, Жетім-жесірлерді де қолдап-қоштайды, Ал зұлымдардың ой-ниетін талқандайды.

Забур жырлары 145:9

Ол Өзінің жалғыз рухани Ұлын аямай, Оны біз үшін өлімге қиды. Ендеше Онымен бірге бізге қажеттінің бәрін қалайша сыйламайды?

Римдіктерге хат 8:32

Бұдан кейін Самуил Миспа мен Шен арасына үлкен тасты ескерткіш ретінде орнатып, оны Әбен-Езер («Көмек тасы») деп атады. Себебі ол: «Осыған дейін Жаратқан Ие бізге көмектесіп келеді!» — деп ризашылығын білдірді.

Патшалықтар 1-ж. 7:12

Ливанның тауларын бұзаудай секіртеді, Хермон тауын жас бұқадай сілкінтеді. Жаратқанның даусы от-жалын шашады,

Забур жырлары 28:6–7

Мен жарлықтарыңды ұстана берем, Жалғыз қалдыра көрме мені мүлдем. Жастар қалай таза жолмен жүре алады? Сөзіңе бағынып соны істей алады.

Забур жырлары 118:8–9

Жаратқан Ие ұлы әрі тым қуатты, Шексіз мол Оның ақыл-парасаты.

Забур жырлары 146:5

Сүйіктілерің лайым аман сақталсын Деп ден қойып, құдіретіңмен құтқарғын.

Забур жырлары 107:7

Жаратқан Иенің Исраил халқына берген игілікті уәделерінің бірде-біреуі орындаусыз қалмай, барлығы да жүзеге асты.

Ешуа 21:45

Содан кейін Иса шәкірттеріне: — Мен сендерді жолға ақша салатын қалта да, жолдорба да, артық аяқкиім де алғызбай жұмсап жібергенімде, бір нәрседен мұқтаждық көрдіңдер ме? — деген сұрақ қойды. Олар: — Жоқ, еш нәрседен мұқтаждық көрген жоқпыз, — деп жауап қайтарды.

Лұқа 22:35

Қаскүнемдік ойластырып, құрайды, «Мүлтіксіз жоспар құрдық» деп ойлайды. Адамның жан дүниесі — түпсіз тұңғиық, Жүрек түкпірлері пендеге жабық.

Забур жырлары 63:7

Киелі кітап үзінділері Daily Light on the Daily Path кітабынан (қоғамдық игілік).

Оқу параметрлері

Соңғы күндер

Барлығын көру

2013 ж. 30 мау.
Аян 3:19 · Еврейлерге хат 12:5–6
2013 ж. 29 мау.
Жоханның 1-хаты 5:3 · Жохан 6:40
2013 ж. 28 мау.
Әйүп 19:25 · Римдіктерге хат 5:10
2013 ж. 27 мау.
Аян 6:17 · Малахи 3:2
2013 ж. 26 мау.
Шежірелер 1-ж. 4:10 · Нақыл сөздер 10:22
2013 ж. 25 мау.
Жоханның 1-хаты 3:2 · Жохан 1:12
2013 ж. 24 мау.
Руларды санау 10:33 · Забур жырлары 31:15