2013 ж. 19 қазан, сенбі

Мейірленуді Құдай ұмытқан ба? Қаһары рақымын басып тастаған ба?

Забур жырлары 76:10

Патшаның жүрегі Жаратқанның қолында Ұқсайды аққан суға өзен салаларында: Жаратқан бағыттайды оны қалаған жағына.

Нақыл сөздер 21:1

Адамның жолы Жаратқанға ұнаса, Тату қылар соның жауларын да.

Нақыл сөздер 16:7

Жанымды алмақ жаулар ұятқа қалсын, Мені құртуға әрекет еткендер жасырын Енді кері қайтып, әбден масқаралансын!

Забур жырлары 34:4

Ежелден Құдай болып келеді баспанаң, Аясында боласың мәңгілік қолының, Ол жауыңды алдыңнан қуып шығады, Оны жойып құртуға бұйырады,

Заңды қайталау 33:27

Ал Жаратқан Иеге сенімін артатын, бар үмітін Оған жүктейтін адам бақытты!

Еремия 17:7

Бұл жайында не дейміз? Құдай жақтаса, бізге кім қарсы шыға алады?!

Римдіктерге хат 8:31

Пенденің өмірі қып-қысқа, соның өзі де әбден мазасыз. Адам гүл секілді өсіп шығып, солып қалады, өткінші көлеңкедей болған жерінде қала алмайды.

Әйүп 14:1–2

Мен көктегі Әкемнен сендермен мәңгі бірге болатын Қамқоршыны жіберуін өтінемін,

Жохан 14:16

Ал Әкем Менің атымнан Қамқоршыларың — Киелі Рухты жібереді. Ол Менің сендерге айтқан сөздерімнің бәрін естеріңе салып, рухани өмірлеріңе керектің бәрін үйретеді.

Жохан 14:26

Иеміз Иса Мәсіхтің Әкесі Құдай мадақталсын! Құдай — қайырымды Әкеміз, жұбаныш пен жігер атаулының бастауы. Ол бізді барлық азаптарымызда жұбатып, жігерлендіреді. Осылай Құдайдың өзімізді жігерлендірген жұбанышымен біз де әр түрлі қайғы-қасірет шегіп жүргендерді жігерлендіре аламыз.

Қорынттықт. 2-хат 1:3–4

Исаның өліп, қайта тірілгендігіне кәміл сенеміз ғой. Сондықтан Оған сеніп бұ дүниеден кеткендердің Исамен бірге болулары үшін Құдайдың оларды қайта тірілтетініне де сенейік.

Салониқал. 1-хат 4:14

Тірі жүрген біз мұнан соң солармен бірге Иемізбен кездесу үшін бұлттың үстімен көкке көтерілеміз. Содан мәңгі бақи Иемізбен бірге боламыз. Бір-біріңді осы сөзбен жұбатыңдар!

Салониқал. 1-хат 4:17–18