2016 ж. 16 қазан, жексенбі

Күнтізбе

2016 ж. 16 қаз.

Лайым жақсылыққа деген талпыныстарың бәсеңдемесін; Иеміздің қызметінде жүріп, рухтарың жалындай берсін!

Римдіктерге хат 12:11

Қандай істі қолға алсаң да, соны жан сала істе! Себебі о дүниеге аттанған соң, онда не жұмыс істеу, не ойлап жоспарлау, не білім мен ғылым деген атымен жоқ екен.

Уағыздаушы 9:10

Қандай жұмыс болса да, оны адам баласы үшін ғана емес, Иеміз үшін істеп жүргендей жан-тәндеріңмен атқарыңдар! Себебі осының ақысы ретінде сендер Иемізден Оның уәде еткен игіліктерін қабылдайтындарыңды білесіңдер. Қызмет ететін Қожайындарың — Мәсіхтің Өзі ғой.

Қолостықт. хат 3:23–24

Мейлі басыбайлы, мейлі ерікті болсын, әркімнің істеген игі істерінің лайықты сыйын Иемізден алатынын біліп қойыңдар.

Ефестікт. хат 6:8

Сөзін астарлап жалғастырып: — Жарық барда, Мені Жібергеннің тапсырған игі істерін істеуіміз керек. Қараңғы түскен соң, ешкім еш нәрсе істей алмайды.

Жохан 9:4

Иса: — Мені неге іздедіңіздер? Менің Әкемнің ісімен шұғылдануым қажет, әлде мұны білмедіңіздер ме? — деп жауап берді.

Лұқа 2:49

Сонда «Киелі үйіңнің қамын жеп, азапқа түсем» деп (Забурда алдын ала) жазылған сөздер шәкірттерінің естеріне түсті.

Жохан 2:17

Сондықтан да, бауырластарым, Құдайдың өздеріңді меншікті халқы болуға шақырып, таңдап алғандығын өмірлеріңмен нық бекітуге ынтамен ұмтылыңдар! Егер солай істесеңдер, ешқашан да тура жолдан тайып кетпейтін боласыңдар.

Петірдің 2-хаты 1:10

Әрқайсыларыңның үміттеріңді соңына дейін берік ұстануларың үшін де осындай ынта-жігер танытқандарыңды аңсап тілейміз. Сонда сендер жігерсіз болмайсыңдар. Керісінше, сенім мен шыдамдылық көрсетіп, уәде етілген игіліктерді иемденгендерден үлгі аласыңдар.

Еврейлерге хат 6:11–12

Жарысқа түскен жүйріктердің бәрі жүгіріп, біреуі ғана жүлдеге ие болатынын білесіңдер. Сендер де «жүлдеге» ие болатындай Мәсіхтің жолымен «жүгіріңдер»!

Қорынттықт. 1-хат 9:24

Киелі кітап үзінділері Daily Light on the Daily Path кітабынан (қоғамдық игілік).

Оқу параметрлері

Соңғы күндер

2016 ж. 15 қаз.
Забур жырлары 59:9 · Патшалықтар 2-ж. 22:2–3
Забур жырлары 59:9
2016 ж. 14 қаз.
Римдіктерге хат 14:9 · Ишая 53:10–11
Римдіктерге хат 14:9
2016 ж. 13 қаз.
Даниял 10:12 · Ишая 57:15
Даниял 10:12
2016 ж. 12 қаз.
Қорынттықт. 2-хат 5:19 · Қолостықт. хат 1:19–20
Қорынттықт. 2-хат 5:19
2016 ж. 11 қаз.
Забур жырлары 22:11 · Забур жырлары 13:1–2
Забур жырлары 22:11
2016 ж. 10 қаз.
Ефестікт. хат 3:15 · Ефестікт. хат 4:6
Ефестікт. хат 3:15
2016 ж. 9 қаз.
Нехемия 9:17 · Петірдің 2-хаты 3:9
Нехемия 9:17