2013 ж. 29 тамыз, бейсенбі

Күнделікті нұр

Ақылмен еңбек еткен игілік табар, Жаратқанға сенім артқан бақытты болар.

Нақыл сөздер 16:20

Қайта, Ыбырайым Құдайдың уәдесіне күмәнданбай, Оған деген сенімінен қуат алды. Осылай ол Тәңірдің өз уәдесін орындай алатынына қалтқысыз сеніп, Оған құрмет көрсетті.

Римдіктерге хат 4:20–21

Солтүстік Исраилдің қалған адамдары тізе бүкті. Осылайша яһудалықтар ата-бабалары сиынған Құдайы Жаратқан Иеге сенімдерін артқандықтан, күш-қуаты артып жеңіске жетті.

Шежірелер 2-ж. 13:18

(Ән-күйдің жетекшісіне арналған Қорах ұрпақтарының жыры.) Күллі ұлттар, Құдайға қол соғыңдар, Шаттық үнмен дауыстап Оны мақтаңдар!

Забур жырлары 46:1–2

Мен жарлықтарыңды ұстана берем, Жалғыз қалдыра көрме мені мүлдем. Жастар қалай таза жолмен жүре алады? Сөзіңе бағынып соны істей алады.

Забур жырлары 118:8–9

Асыға гөр маған көмек беруге, Құтқарушым менің, уа, Жаратқан Ие.

Забур жырлары 37:23–24

Сондықтан оларға кенет ажал жетсін, Маған құрған торына өздері түссін, Осылайша өз бастары құрып кетсін. Сонда мен Жаратқанға шаттанамын, Мені құтқарған Иеме қуанамын,

Забур жырлары 34:8–9

Молайса нан менен жүзім шырыны, Саған сенбейтіндер масаттанады. Менің жүрегімді Өзің шаттандырдың, Соншама зор қуанышқа толтырдың.

Забур жырлары 4:8

Уа, Ием, жаратқандарыңа шаттанамын, Ұлы істеріңе қуана ән саламын.

Забур жырлары 91:5

Он ішекті аспапта әсем күй тартып, Жетіген және домбырамен қосылып.

Забур жырлары 91:4

Ей, Иерусалим қаласы, пайғамбарлардың көзін құртып, Құдай саған жіберген хабаршыларды тас лақтырып өлтіретін Иерусалим-ай! Балапандарын қанатының астына алған құс сияқты, Мен де сенің халқыңды қанша рет жинамақшы болдым. Бірақ сендер одан бас тарттыңдар!

Матай 23:37

Қабырғалары кірігіп бір тұтасқан Қала болып Иерусалим салынған. Осында өрлеп келіп тұрады Жаратқанға сиынатын рулары, Исраилге Ол мынаны заң етіп тапсырды: Жаратқан Иенің есімін мұнда даңқтауды. Қалада тұр билердің орындықтары, Дәуіттің әулетінің патшалық тақтары.

Забур жырлары 121:3–5

Қашанғы бас саласыңдар бір адамға? Теңселген дуал, қисайған қабырға Сияқтанған мені құлатпақсыңдар ма?

Забур жырлары 61:4

Жалақор адамдар елде орнықпасын, Зорлықшылдарды апат қуып ұстасын.

Забур жырлары 139:12

Ол Өзінің жалғыз рухани Ұлын аямай, Оны біз үшін өлімге қиды. Ендеше Онымен бірге бізге қажеттінің бәрін қалайша сыйламайды?

Римдіктерге хат 8:32

Ал сендер Мәсіхтің меншігісіңдер және Мәсіх — Құдайдікі.

Қорынттықт. 1-хат 3:23

Әлемнің Иесінің сот жүргізетін сол күні күллі мақтаншақтар мен тәкаппарлар, өзін-өзі дәріптеуші әркім де масқараланып төмендетіледі!

Ишая 2:12

Киелі кітап үзінділері Daily Light on the Daily Path кітабынан (қоғамдық игілік).

Оқу параметрлері

Соңғы күндер

Барлығын көру

2013 ж. 28 там.
Аян 12:10 · Аян 12:11
2013 ж. 27 там.
Забур жырлары 119:105 · Забур жырлары 17:4–5
2013 ж. 26 там.
Мысырдан шығу 28:36 · Еврейлерге хат 12:14
2013 ж. 25 там.
Ишая 51:1 · Забур жырлары 51:5
2013 ж. 24 там.
Мысырдан шығу 3:7 · Ишая 53:3
2013 ж. 23 там.
Еремия 31:3 · Салониқал. 2-хат 2:13–14
2013 ж. 22 там.
Римдіктерге хат 14:7–8 · Қорынттықт. 1-хат 10:24