2013 ж. 29 қараша, жұма

Күнделікті нұр

Бүкіл жер Саған бас иіп сиынады, Саған арнап мақтау жырларын айтады, Есіміңді мадақтап ән салады».

Забур жырлары 65:4

Соларға жасаған қылмыстарына сай, Істеген зұлым істеріне қарай Тиісті жазаларын тартқыза гөр, Лайықты қарымтасын қайтара гөр.

Забур жырлары 27:4

Әділдікті аңсап зарыққандар бақытты: олар қанағат табатын болады!

Матай 5:6

Ашыққандарды игілікке кенелтіп, Байларды құр қол қайтарып қуады.

Лұқа 1:53

Ғилақад пен Манаса да — Менің иелігім, Ефрем руы болады басты қорғаным, Яһуда руынан шығады патшаларым.

Забур жырлары 107:9

Сонда Иса оларға былай деді: — Шынайы өмір сыйлайтын «нан» Менмін. Маған келгендер рухани нәрден тарықпайды, Маған сенгендер ешқашан шөлдемейді!

Жохан 6:35

Шыдамды бол Жаратқанның алдында, Шешімін күт сабырмен, еш асықпа! Арам жоспарын іске асырған жанға, Табысқа жеткен зұлымға ашуланба! Ашу-ызаңнан қайт, бас қаһарыңды, Сұмдыққа өршітпесін олар жаныңды. Зұлымдық жасаушылар жойылып кетер, Иемізге сенушілер елді иемденер.

Забур жырлары 36:7–9

Иса оларға былай деп жауап берді: — Енді сенесіңдер ме?

Жохан 16:31

Бауырластарым менің, біреу сенемін дей тұра, игі істер жасамаса, онысынан не пайда?! Сондай сенімі оны Тәңір Иенің қаһарынан құтқара ала ма?

Жақыптың хаты 2:14

Ендеше, сенім игі іс-әрекет тудырмаса, ол — өлі сенім.

Жақыптың хаты 2:17

17-Ыбырайым сенімі сыналғанда Құдайға нық сенгендіктен Ысқақты құрбандыққа ұсынды. Ол туралы «сенің ұрпағың Ысқақтан тарайтын болады» деген уәде алғанымен, Ыбырайым жалғыз ұлын құрбан етуге дайын болды. Ыбырайым Құдай баламды өлімнен қайта тірілтуге де құдіретті деп есептеді; астарлап айтқанда, ол баласын өлімнен қайтарып алды да.

Еврейлерге хат 11:17–19

Түп атамыз Ыбырайым баласы Ысқақты құрбандыққа ұсынғанда сол ісі арқылы Құдай алдында ақталды емес пе?

Жақыптың хаты 2:21

Өздерің көріп отырғандай, Тәңір Иенің алдында адамды тек оның сенімі ғана емес, істегендері де ақтайды.

Жақыптың хаты 2:24

Ал кім кемелді тәлімге, яғни күнәнің құрсауынан азат ететін Ізгі хабарға, ұқыпты ден қойып, онысын ұдайы жалғастыра берсе, сол ұмытшақ тыңдаушы емес. Қайта, ол естігендерін жүзеге асырушы болып, іс-әрекетінде жарылқанбақ.

Жақыптың хаты 1:25

Сол сияқты, адамдарды да «жемістерінен» танып білесіңдер. Маған: «Мырза, Ие!» дейтін әркім емес, көктегі Әкемнің еркін орындайтындар ғана Оның Патшалығына кіре алады.

Матай 7:20–21

Мұны біліп, осылай іс-әрекет етсеңдер, бақытты боласыңдар!

Жохан 13:17

Киелі кітап үзінділері Daily Light on the Daily Path кітабынан (қоғамдық игілік).

Оқу параметрлері

Соңғы күндер

Барлығын көру

2013 ж. 28 қар.
Жақыптың хаты 2:26 · Матай 7:21
2013 ж. 27 қар.
Жохан 17:22 · Ишая 6:1–3
2013 ж. 26 қар.
Ишая 62:4 · Ишая 43:1
2013 ж. 25 қар.
Римдіктерге хат 6:18 · Матай 6:24
2013 ж. 24 қар.
Лұқа 8:21 · Еврейлерге хат 2:11–12
2013 ж. 23 қар.
Нақыл сөздер 1:33 · Забур жырлары 90:1
2013 ж. 22 қар.
Яһуданың хаты 20 · Жохан 4:24