2026 ж. 23 мамыр, сенбі

Ал Иса мәңгі бақи жасайтындықтан, Оның діни қызметі де өткінші емес. Сол себептен Ол Өзі арқылы Құдайға сиынғандардың бәрін толықтай құтқара алады. Иса мәңгі өмір сүріп, олар үшін өтініш жасайды.

Еврейлерге хат 7:24–25

Сонымен сенімімізді берік ұстанып, оны тапжылмастан мойындайық. Көкке көтеріліп кеткен зор мәртебелі Бас діни қызметкеріміз — Құдайдың рухани Ұлы Иса бар. Ол бізге жаны ашымайтын, осал жақтарымызды түсінбейтін діни қызметкер емес, қайта, өзіміз сияқты әр түрлі сынақтан өтіп көрді, бірақ ешқашан күнә жасаған жоқ. Ендеше рақымы мол Құдайдың тағына нық сеніммен жақындап, өтініштерімізді білдірейік. Осылай көмекке мұқтаж кездерімізде Оның мейірімділігі мен рақымына ие боламыз.

Еврейлерге хат 4:14–16

Мұса Бунямин руына батасын беріп былай деді: «Лайым Жаратқан Ие жақсы көрген Ру Оның қасында тұрсын аман-есен, Күн сайын Ием оны қорғайтын болсын, Таулардың беткейлерінде қоныстансын».

Заңды қайталау 33:12

Солардың ұрпақтарынан жасырмаймыз, Келер буынға оларды жариялаймыз: Жаратқан Иенің даңқты істерін, Оның құдіреті мен кереметтерін.

Забур жырлары 77:4

Уа, теңіз, сен неге қаша жөнелдің? Уа, Иордан, сен неге кері бұрылдың? Таулар, қошқардай неге секірдіңдер? Төбелер, қозыдай неге секектедіңдер?

Забур жырлары 113:5–6

Былай деп қарсы сөйледі Құдайға: «Айдалада Құдай тамақ бере ала ма?

Забур жырлары 77:19

Мейірленуді Құдай ұмытқан ба? Қаһары рақымын басып тастаған ба?

Забур жырлары 76:10

Себебі Жаратқан Ие Өзіне шын жүректен бағышталып, адал болып жүргендерді күш-қуат беріп қолдау үшін, бүкіл жер жүзін назарында ұстап отырады. Осы істегеніңіз үлкен ақылсыздық болды. Сол үшін де бұдан былай соғыстан көз ашпайтын боласыз!»

Шежірелер 2-ж. 16:9

Тағы да мынаны білеміз: барлық жағдайларда Құдай Өзін сүйетіндердің игілігі үшін әрекет етеді, себебі Ол бізді өз мақсатына сай таңдап алды.

Римдіктерге хат 8:28

Екі торғайды бір теңгеге сатпай ма? Дегенмен көктегі Әкелеріңнің еркінсіз бірде-бір торғай жерге құлап түспейді. Тіпті бастарыңдағы шаштарыңның саны да Оған белгілі!

Матай 10:29–30