2026 ж. 12 қыркүйек, сенбі

— Мен сендердің Құдайларың Жаратқан Иемін. Егер Менің айтқандарыма құлақ асып, Маған ұнамды әділ іс істесеңдер, әрі өсиеттеріме ден қойып, барлық ережелерімді орындасаңдар, онда Мен мысырлықтарға жіберген індет-аурулардың бірде-біреуін сендерге жұқтырмаймын. Себебі Мен сендерді сауықтырушы Жаратқан Иемін.

Мысырдан шығу 15:26

(Ән-күйдің жетекшісіне арналған Дәуіттің жыры.) Уа, Жаратқан, зұлым адамнан құтқаршы, Зорлықшыл жандардан мені қорғашы, Ойларында олар сұм жоспар құрады, Күн сайын ұрыс-керіс туғызады.

Забур жырлары 139:1–3

Тек болып жатқанды көріп тұрасың, Зұлымдардың жазаланғанын ұғасың.

Забур жырлары 90:8

Құдайдан жасырын жатқан ешбір жан иесі жоқ, Оның көз алдында барлығы ашық та айқын көрініп тұр. Біз Құдайдың алдында есеп беруге тиіспіз.

Еврейлерге хат 4:13

Жаратқан Ие былай деп шақырады: «Келіңдер, мәселелеріңді талқылап, шындығына жетейік! Күнәларың ал қызыл болса да, рақым етіп, сендерді қардай аппақ қылмақпын. Қылмыстарың қан қызыл болса да, сендерді кешіріп, аппақ жүндей ағартпақпын.

Ишая 1:18

онда ол: «Оны көрге түсуден аман сақтап қала гөр! Оның жанының құнын өтейтін төлемді таптым!» деп мейірім көрсететін болады.

Әйүп 33:24

Алайда Құдайдың Қызметшісі біздің күнәларымыз үшін түйреліп, біздің әділетсіз істеріміз үшін құртылды. Оның тартқан жазасы бізге амандық пен тыныштық әкелді. Оның жараларының арқасында біз (рухани дертімізден) сауықтық.

Ишая 53:5

— Маған Жаратушы Тәңір Ие Өзінің Рухын қондырды. Жаратқан Ие мені жарлыларға ізгі хабар жеткізуге және жаралы жүректерді жұбатып орнықтыруға тағайындады, сондай-ақ тұтқындарға босатылатындарын, бұғаудағыларға азат болатындарын жар салуға жіберді.

Ишая 61:1

Иса оған: — Қарындас, сенімің арқылы құтқарылдың. Аман-есен қайта бер, қиналған дертіңнен айықтың! — деді.

Марқа 5:34

(Ән-күйдің жетекшісіне арналған Дәуіттің жыры.) Уа, Ием, құдіретіңе патша қуанады, Құтқарғаныңа шексіз шаттанады.

Забур жырлары 20:1–2

Өмірін сақтауды сұрағанда Өзіңнен Тіпті мәңгілік өмір сыйладың Сен.

Забур жырлары 20:5

Сен патшаны мәңгілік жарылқадың, Қасыңда болу қуанышын сыйладың. Себебі патша Жаратқанға сенім артады, Хақ Тағаланың рақымымен нық тұрады.

Забур жырлары 20:7–8

Осылай батыстағылар мен шығыстағылар да Жаратқан Иені терең қастерлеп, Оның салтанатты ұлылығына қайран қалады. Өйткені Жаратқан Иенің дауылы су тасқынын қатты айдағандай, Өзі де тездете аттанып келеді.

Ишая 59:19

Сендер әлі күнге дейін қатты сыналған жоқсыңдар, еліктірген жағдайлар әдетте адамдардың бастарына түсіп жүргендегідей ғана болып келді. Ал Құдай Өзінің уәдесіне берік: Ол төзімдеріңнен артық сыналуларыңа жол бермейді. Еліктірілген кездеріңде соған шыдауға күш-қуат беріп, құтылып шығудың лайықты жолымен қамтамасыз етеді.

Қорынттықт. 1-хат 10:13

Бұл жайында не дейміз? Құдай жақтаса, бізге кім қарсы шыға алады?!

Римдіктерге хат 8:31

Сонда ден қойып бар өсиеттеріңе, Ешқашан масқара болмас та едім.

Забур жырлары 118:6

Егер лаулап жанып тұрған пешке лақтырылсақ та, ғибадат етіп жүрген Құдайымыздың бізді құтқаруға құдіреті жетеді. Ол бізді сіздің қолыңыздан құтқаратын болады да!

Даниял 3:17