С: Он өсиетті орындау арқылы жұмаққа жете аламын ба?
Ж: Он өсиет – Құдайдың өмір сүруге арналған заңдары. Бірақ Исадан басқа ешкім олардың бәрін әрдайым орындай алмаған. Қалғандарымыз ешқашан өз күшімізбен жұмаққа жете алмаймыз, өйткені Киелі кітапта былай делінген:
Ешкім Құдайдың заңы талап еткенді орындау арқылы Оның алдында әділ бола алмайды. Өйткені Құдайдың заңын неғұрлым көп білсек, оны орындамайтынымыз соғұрлым айқын болады (Римдіктерге 3:20 NLT).
С: Алтын ережені орындау арқылы жұмаққа жете аламын ба?
Ж: Құдай біздің Оны және жақынымызды сүйетінімізді көрсету үшін жақсы істер жасауымызды қаласа да, Киелі кітап бұл істер бізді тозақтан құтқармайды дейді:
Ол бізді біз жасаған жақсы істер үшін емес, Өзінің мейірімі үшін құтқарды (Титке 3:5).
С: Шіркеуге бару, садақа беру, дұға ету, ораза ұстау және сол сияқты нәрселер туралы не айтасыз?
Ж: Бұл нәрселердің бәрі жақсы болғанымен, олар бізді ешқашан құтқармайды. Киелі кітапта былай делінген:
Біздің әділ істеріміз ... лас шүберектер сияқты (Ишая 64:6).
С: Христиан ата-аналардың болуы мені жұмаққа жеткізе ме?
Ж: Христиан ата-аналардың болуы тамаша, бірақ сіз олардың сенімімен жұмаққа жете алмайсыз. Сіз сенуіңіз керек. Киелі кітапта былай делінген:
Оған (Исаға) сеніп, Оны қабылдағандардың бәріне Ол Құдайдың балалары болу құқығын берді. Олар қайта туылды! Бұл физикалық туылу емес ... бұл қайта туылу Құдайдан келеді (Жохан 1:12-13).
Біз өзімізді жақсы болу, жақсылық жасау немесе жақсы ата-аналардың болуы арқылы құтқара алмайтындықтан, Құдай Өзінің Ұлын біздің орнымызға өлуге жіберді. Иса біздің күнәларымыз үшін айқышта өліп, қайта тірілгенде, Ол біздің жұмаққа жетуіміздің жалғыз жолы болды. Ол былай деді:
Менің хабарымды тыңдап, Мені жіберген Құдайға сенгендер мәңгілік өмірге ие болады (Жохан 5:24).
Иса – жұмаққа жетудің жалғыз жолы.
