Жеңіліс ПЕН Жеңіс
Веллингтонның Наполеонды жеңгені Англияда қалай жарияланғанын естіген бе едіңіз?
Ол кезде теледидар, радио, телефон, тіпті телеграф та болмаған. Тарихи шайқас туралы жаңалық желкенді кемемен Англияның оңтүстік жағалауына жетіп, содан кейін Лондонға дейін семафор – жалауша сигналдары жүйесі арқылы жеткізілді.
Англияның оңтүстігіндегі Винчестер соборының жоғарғы жағынан семафор хабарды әріп бойынша баяу жаза бастады:
«ВЕЛЛИНГТОН ЖЕҢІЛДІ…»Кенеттен қаланы қалың тұман басып, жалаушалар көрінбей қалды. Жүректі ауыртатын, толық емес хабар Лондонға дейін қайғы мен үмітсіздік таратты:
«Веллингтон жеңілді».Бірақ тұман ақыры сейілгенде, собор семафоры қайта көрініп, барлығы толық хабарды оқи алды:
«ВЕЛЛИНГТОН ЖАУДЫ ЖЕҢДІ».Бұл жақсы жаңалық бүкіл Англияға тез тарап, адамдарды қайғыдан қуанышқа бөледі.
Бұл оқиға басқа бір ұлы шайқасқа өте ұқсас, ол Қасиетті Жұмада – Иса Мәсіхтің Қалвари крестінде өлген күні болған.
Үш сағаттық азаптан кейінгі өлімде, Құдай Оны сіздің және менің күнәларым үшін жазалады!
Сол қараңғы күні Оның ізбасарларына Иса Мәсіх толығымен жеңілгендей және олардың барлық жарқын үміттері жоғалғандай көрінді.
Олар Ол оларды ұлы жауы Өлімнен құтқарады деп ойлаған еді; бірақ енді, шамасы, Ол да жеңілді.
Оның екі ізбасарының үмітсіз сөздері барлығының сезімдерін білдіргендей болды:
«Біз Израильді құтқаратын Ол болады деп үміттенген едік» (Лұқа 24:21).Адамдық тұрғыдан алғанда, былай көрінді:
ИСА ЖЕҢІЛДІ!Бірақ екі күннен кейін Пасха жексенбісінде тағы бір ұлы оқиға болды. Мәсіх айқышқа керіліп, жерленгеннен кейін, толық жеңіліс болып көрінген нәрсе әлем тарихындағы ең үлкен рухани жеңіске айналды.
Пасха – Иса Мәсіхтің өлімнен қайта тірілуін еске алады!
Қорқынышты қараңғылық пен қайғы сейілгенде, Исаға сенгендерге жеңістің даңқты хабары келді: Иса қабірден тірілді. ИСА ЖЕҢДІ… ЖАУДЫ!
Исаның жауды жеңгені 2000 жыл бұрын ғана жақсы жаңалық болған жоқ — бұл бүгін сіз бен біз үшін де тамаша жаңалық:
«Мәсіх көпшіліктің күнәларын көтеру үшін бір рет құрбандыққа шалынды» (Еврейлерге 9:28).Оған сенгендер Оның өлімі мен қайта тірілуі арқылы күнә мен өлімнің құлдығынан босатылады.
Иса Өзі айтты: «Мен – тірілумін және өмірмін. Маған сенген адам, өлсе де, тіріледі» (Жохан 11:25).
Сіз осы Иеміз Иса Мәсіхтің жеңісін мәңгілікке өз жеңісіңіз еткіңіз келе ме?
Егер солай болса, бүгін Оған Құтқарушыңыз ретінде сеніңіз! — К. Дарлинг
Мұқабадағы семафорлар Ж-Е-Ң-І-С деп жазылған.
