Қате жол! Кіруге болмайды!
Тас жолдағы қозғалыс қатты соқтығысудың құлақ тұндыратын дауысынан тоқтап қалды. Бір аман қалған адамнан басқа, екі көліктің де жолаушылары сол жерде қаза тапты. Аман қалған адам өзі мінген көліктің тас жолға шығу пандусы арқылы кіргенін айтты. Ешкім «Қате жол – Кіруге болмайды» деген белгіні көрмеді. Олар дұрыс жолмен келе жатырмыз деп ойлады.
Бұл апат одан да маңызды рухани апатқа ұқсас. Көптеген адамдар жұмаққа баратын дұрыс жолдамыз деп сенеді. Бірақ егер олардың жолы Иса Мәсіхтен басқа нәрсеге байланысты болса, олар қате жолда. Және бұл рухани өлімге – Құдайдан мәңгілікке бөлінуге әкеледі (Нақыл сөздер 14:12).
Иса анық айтты: «Мен – Жолмын, Ақиқатпын және Өмірмін. Мен арқылы болмаса, Әкеге ешкім келе алмайды» (Жохан 14:6). Қаншалықты тартымды болса да, басқа ешбір жол бізді жұмаққа жеткізбейді. Егер біз шіркеу мүшелігі, шомылдыру рәсімі немесе өзіміздің жақсы істеріміз сияқты нәрселерге сенсек – біз құлап, өртеніп кетеміз, өйткені біз қате жолмен келе жатырмыз.
Біз мәңгілік тағдырымызды өзіміз «дұрыс» деп ойлаған нәрсеге сеніп тапсыра алмаймыз. Біз Құдайдың Киелі кітаптағы анық нұсқауларымен басшылыққа алуымыз керек. Онда адам күнәнің кесірінен Құдайдан бөлінген деп айтылған. Иса айқышта өлгенде, Ол біздің күнәміз үшін жазаны алды: «Иса Мәсіхтің қаны ... бізді барлық күнәдан тазартады» (1 Жохан 1:7). Киелі кітапта сонымен қатар «барлығы күнә жасады және Құдайдың даңқынан айырылды» (Римдіктерге 3:23) делінген. Біз күнәкар екенімізді мойындап, Исаның дұрыс жол екеніне – шын мәнінде, жұмаққа баратын жалғыз жол екеніне сенуіміз керек.
Қайғылы оқиғалар ескертусіз болады – жіберіп алған жол белгісі, қате бұрылыс және апат! Егер сізге өлім келсе, мәңгілікті қайда өткізер едіңіз? Неге қарапайым сеніммен Құдайдың жұмаққа баратын анық нұсқауларын орындамасқа?
Жұмаққа баратын жол белгілерін оқуға көбірек көмек қажет пе? Бізге хабарласыңыз. Біз сізге жол көрсете аламыз.
Авторы белгісіз
