Құдай сені сүйеді

Құдай сені сүйеді! Бұл туралы не айтасыз? Киелі кітапта былай делінген: «Құдай әлемді сондай қатты сүйгендіктен, Өзінің жалғыз туған Ұлын берді, Оған сенген әркім жойылмай, мәңгілік өмірге ие болсын» (Жохан 3:16). Ешнәрсе Құдайдың бізге деген сүйіспеншілігін Иса Мәсіхтің Қалғари крестінде «біздің күнәларымызды Өз денесіне алуынан» артық көрсете алмайды (1 Петір 2:24). Құдай күнәні жек көреді, бірақ күнәкарларды сүйеді. Ол Өз Ұлын сіздің күнәларыңыз үшін жазаны алуға берді. Мұндай сүйіспеншілікті түсіне аласыз ба? Оны не өлтірді? Қалғари крестіндегі Иса Мәсіхке қарап, Құдай сені сүймейді деп айта аласыз ба? «Құдай бізге деген Өз сүйіспеншілігін біз әлі күнәкар болып тұрғанда, Мәсіх біз үшін өлгенінде көрсетті» (Римдіктерге 5:8). Сол крестке қадалғаннан кейін де, Ол не деді? «Әке, оларды кешір, өйткені олар не істеп жатқандарын білмейді» (Лұқа 23:34). Сіздің күнәларыңыз Оны крестке қадады, бірақ Ол сізді кешіруге дайын. Бұл – сүйіспеншілік! Сіз не істейсіз? Мұндай сүйіспеншілікті елемей аласыз ба? Мынаны ойлаңыз: «Ұлға сенген адам мәңгілік өмірге ие болады» (Жохан 3:36). Иса сізге Өз сүйіспеншілігін, мәңгілік өмірді және жұмақтағы үйді ұсынады. Бұл тамаша нәрселерді алу үшін сізге тек күнәларыңызды мойындап, Оны Құтқарушыңыз ретінде қабылдау керек. Сіз мұны қазір жасайсыз ба?