Қызмет ету– Ақпан 2014 –Рақым мен Ақиқат журналы
Істесем бе?
Міне, бізге келген хаттан үзінді, онда бір адамның Иемізге мойынсұнып қызмет етуде және Оның жетекшілігіне сезімтал болуда бастан кешірген жеке сынағы көрсетілген.
Маған жақын камерадағы жігіттердің біріекі-үш күннен бері түзету мекемесінің қызметкерлерінен Киелі кітап сұрап жүрген; алайда олар таба алмады. Мен оған Киелі кітап бергім келді, бірақ мендегі жалғыз Киелі кітапты өзім қолданып жүргенмін.
Содан кейін маған тағы бір Киелі кітап, жақсы зерттеу Киелі кітабы берілді. Оны алған бойда Рух маған оны сұрап жүрген жігітке беруімді айтты. Мен: «Ием, мен бұл Киелі кітапты жаңа ғана алдым және оны өте қатты қалаймын», – дедім. Сондықтан мен жігітке хат жазып, өзінің Киелі кітабын алғанша осыны «қолдана алатынын» айттым. Мен хатты жібермедім, бірақ оны оған бере алатын кезде дайын болуы үшін жаздым.
Шамамен 20 минут өтті,осы уақыт ішінде мен Рухпен күрестім, өйткені Ол маған жаңа Киелі кітаптыберуімдіүнемі айтып тұрды, тек қана қарызға беру емес. Ақырында, жүрегімде оны босатып, Киелі кітапты оған бере алатынын айтып екінші хат жаздым. Құдай менің оны қаншалықты сақтағым келгенін білді, бірақ мен Иемізге одан да көбірек мойынсұнғым келді.
Мен камера есігімдегі терезеге барып, әлгі адамның назарын аудардым (ол менің дәл қарсымда) және оған: «Менде саған Киелі кітап бар», – деп, жаңа Киелі кітапты оған көрсеттім. Оның өзінің Киелі кітабын көрсетіп: «Олар маған кеше берді, бірақ бәрібір рахмет», – дегендегі таңданысымды елестетіп көріңізші.
Уау! Мен бірден Құдайды мадақтадым– Киелі кітабымды сақтауға рұқсат бергені үшін емес, жүрегімді сынағаны үшін. Мен бұл сынақтан өткеніме қуандым, өйткені бір-екі күн бұрын мен біреумен жүрегіміздің Құдайға ашық болуының қажеттілігі туралы бөліскен едім, сонда біз басқаларға бата бола аламыз.
Мен Мәсіхте өсіп келемін және бұл маған ұнайды!
Анонимді