2013 ж. 17 қараша, жексенбі

Күнделікті нұр

Уа, Ием, ережелерің шынымен сенімді, Сенің үйің мәңгілік киелі де қасиетті.

Забур жырлары 92:5

Сол себептен де біз мұны естіген кезден бері сендер үшін ұдайы Құдайға сиынып келеміз. Сендердің Оның еркін толықтай біліп, өте парасатты да рухани көреген болуларыңды Құдайдан өтінудеміз.

Қолостықт. хат 1:9

Мәсіх сенімдерің арқылы жүректеріңе орныға көрсін, әрі рухани өмірлерің Оның сүйіспеншілігіне тамыр жайып, негізделсін. Осылай сендер Мәсіхтің сүйіспеншілігінің қаншалықты кең де көз жеткісіз терең және биік екенін Құдайдың бүкіл халқымен бірге түсіне алып, адам санасы жетпейтін осы сүйіспеншілікті танып білсеңдер екен. Сол арқылы Құдайдың рухани қасиеттері бойларыңа толықтай дари берсін!

Ефестікт. хат 3:17–19

О, неткен бай Құдайдың даналығы, Неткен терең Оның білік-парасаты; Шешімдеріне адам ақылы жетпес, Жолдарын Оның ешкім зерттеп бітпес!

Римдіктерге хат 11:33

Жаратқан Ие: «Менің ойым сендердің пікірлеріңнен өзге, Менің жолым сендердікінен басқа, — деп ескертеді. — Аспанның жерден қаншама жоғары болатынындай, Менің жолым да сендердікінен соншама жоғары, Менің ойым да пікірлеріңнен тым биік.

Ишая 55:8–9

Иеме былай деп мінажат еттім: «Рақымды бола гөр, уа, Жаратқан Ием, Саған қарсы күнә жасаған едім, Сауықтыра гөр жан дүниемді менің!»

Забур жырлары 40:5

Алданбаңдар: Құдай адамның Оны елемей, өз бетімен жүруіне жол бермейді. «Адам не ексе, соны орады» дейді.

Ғалаттықт. хат 6:7

Өз байқағаным: жамандықтың тұқымын сеуіп, зұлым жоспар құратындар солардың өнімін өздері жинайды.

Әйүп 4:8

Халықтың еккені жел еді, енді жинағандары құйын болады. Шыққан егіндерінің бастары — құр қауыз. Дән бола қалған күнде де бөтен елдіктер оны жалмап кетеді.

Ошия 8:7

Өзінің ескі күнәкар болмысын қанағаттандырушы сол болмысқа тән өлімді орады. Ал Құдайдың Рухына қызмет етуші осы Рухқа тән мәңгілік өмірді орады.

Ғалаттықт. хат 6:8

Арамза өткінші өнім жинайды. Әділдік сепкеннің сыйы тозбайды.

Нақыл сөздер 11:18

Өзінің ескі күнәкар болмысын қанағаттандырушы сол болмысқа тән өлімді орады. Ал Құдайдың Рухына қызмет етуші осы Рухқа тән мәңгілік өмірді орады. Жақсылық жасаудан талмайық! Себебі бұдан шаршап, бас тартпасақ, тиісті уақытта оның игілікті өнімін Құдайдан қабылдайтын боламыз. Сондықтан мүмкіндік барда барлық адамдарға, әсіресе сенімі бір бауырластарымызға, жақсылық істей берейік!

Ғалаттықт. хат 6:8–10

Қолы ашық адам байи түсер, Тым сараң жан кедейлене түсер. Жомарт жан игілікке кенелер, Басқаны сергіткен өзі де сергір.

Нақыл сөздер 11:24–25

Бұл жайында: «Сараң сепкен сараң жинар, жомарт сепкен жомарт жинар» делінген ғой.

Қорынттықт. 2-хат 9:6

Киелі кітап үзінділері Daily Light on the Daily Path кітабынан (қоғамдық игілік).

Оқу параметрлері

Соңғы күндер

Барлығын көру

2013 ж. 16 қар.
Жохан 17:17 · Жохан 15:3
2013 ж. 15 қар.
Қорынттықт. 1-хат 1:9 · Еврейлерге хат 10:23
2013 ж. 14 қар.
Забур жырлары 40:17 · Забур жырлары 37:23–24
2013 ж. 13 қар.
Ефестікт. хат 5:25–26 · Ефестікт. хат 5:2
2013 ж. 12 қар.
Қорынттықт. 2-хат 7:10 · Матай 26:75
2013 ж. 11 қар.
Забур жырлары 78:53 · Нақыл сөздер 8:20
2013 ж. 10 қар.
Қолостықт. хат 1:10 · Римдіктерге хат 12:1–2