2014 ж. 3 ақпан, дүйсенбі

Күнделікті нұр

Дегенмен енді нығайып батыл бол, уа, Зоробабел! — дейді Жаратқан Ие. — Сен де нығайып батыл бол, уа, бас діни қызметкер Ехосадық ұлы Ешуа! Нығайып батыл болыңдар, уа, елдің бүкіл халқы! — деп шақырады Жаратқан Ие. — Еңбек етіңдер! Мен сендермен бірге жүріп жар боламын! — Әлемнің Иесі осы уәдені береді. —

Хаққай 2:4

Мен «бұтамын», ал сендер «сабақтарымсыңдар». Менімен тығыз байланыстағылармен Өзім де тығыз байланыста тұрамын, сонда олар мол өнім бермек. Ал Менен бөлініп сендер ешбір игілік істей алмайсыңдар.

Жохан 15:5

Себебі маған күш-қуат беретін Мәсіхпен бірге болсам, бәріне де төзе аламын.

Філіпілікт. хат 4:13

Соңында айтарым мынау, бауырластарым: Иемізбен тығыз байланыста жүріп, Оның құдіретінен қуат алып, нығая беріңдер!

Ефестікт. хат 6:10

Нехемия: «Осымен барыңдар, дәмді тамақ жеп, тәтті сусын ішіңдер! Мерекелік ас дайындамағандарға үлестерін беріп жіберіңдер! Өйткені бүгінгі күн — Иемізге бағышталған қасиетті күн. Сонымен қайғырмаңдар! Себебі Жаратқан Иеге деген қуаныштарың сендерге күш-қуат беріп, паналарың болады!» — деп қосты.

Нехемия 8:10

Әлемнің Иесі Жаратқан Ие мынаны да айтады: «Басталған істі бітіру үшін қолдарыңның күшін нығайтыңдар! Осы сөздерді бүгін пайғамбарлардың аузынан естіп отырсыңдар. Әлемнің Иесінің киелі үйінің негізі қаланған кезде де пайғамбарлар сендерді оны бітіруге жігерлендірген еді.

Зәкәрия 8:9

Сонымен салдырап, дәрменсіз қалған аяқ-қолдарыңның буындарын бекітіп, еңселеріңді көтеріңдер! Жүрексінген адамдарыңа былай деңдер: «Қорықпай, берік болыңдар! Біліп қойыңдар, сендер сиынатын Құдай жауларыңды өздері жасаған қылмыстары үшін жазалауға келеді. Иә, Құдай сендерді құтқаруға келе жатыр!»

Ишая 35:3–4

Бұл жайында не дейміз? Құдай жақтаса, бізге кім қарсы шыға алады?!

Римдіктерге хат 8:31

Сонымен, Құдайдың рақымымен осы қызметке ие болған біз еш мойымаймыз.

Қорынттықт. 2-хат 4:1

Жақсылық жасаудан талмайық! Себебі бұдан шаршап, бас тартпасақ, тиісті уақытта оның игілікті өнімін Құдайдан қабылдайтын боламыз.

Ғалаттықт. хат 6:9

Құдайға шүкірлік етейік! Ол бізге Иеміз Иса Мәсіх арқылы жеңісті сыйлайды.

Қорынттықт. 1-хат 15:57

Жалақор адамдар елде орнықпасын, Зорлықшылдарды апат қуып ұстасын.

Забур жырлары 139:12

Тәңір әрқашан да пенденің істеріне назар аударады. Оның басқан әрбір қадамын Ол көріп отырады. Зұлымдық істеушілер бас сауғалап құтыла алатындай қараңғылық та, қара түнек те болмайды.

Әйүп 34:21–22

Әлде адам құпия жерге тығылып, Менің көзімнен тасалана алады деп ойлайсыңдар ма? Аспан мен жердің барлық жерінде Мен бармын, солай емес пе? — деп ескертеді Иеміз.

Еремия 23:24

Уа, Ием, жаратқандарыңа шаттанамын, Ұлы істеріңе қуана ән саламын. О, Ием, қандай керемет Сенің істерің, Түпсіз терең Сенің ой-ниеттерің!

Забур жырлары 91:5–6

Бірақ Сен, уа, Ием, мәңгі үстемсің! О, Жаратқан, жауларың Сенің, Иә, бар жауларың да сөзсіз құриды, Сол зұлымдық жасайтындар шашырайды.

Забур жырлары 91:9–10

Қабырғалары кірігіп бір тұтасқан Қала болып Иерусалим салынған.

Забур жырлары 121:3

Қалада тұр билердің орындықтары, Дәуіттің әулетінің патшалық тақтары. Амандық тілеңдер Иерусалим үшін: «Қаланы сүйетіндер өркендесін, Қамалыңның ішінде амандық болсын, Сарайларыңда тыныштық орнасын!»

Забур жырлары 121:5–7

Бұл тек қолы мен жүрегі таза жанға болады, Жат тәңірге табынбай, жалған айтпайтынға болады.

Забур жырлары 23:4

Киелі кітап үзінділері Daily Light on the Daily Path кітабынан (қоғамдық игілік).

Оқу параметрлері

Соңғы күндер

Барлығын көру

2014 ж. 2 ақп.
Шежірелер 1-ж. 4:10 · Лұқа 22:46
2014 ж. 1 ақп.
Петірдің 1-хаты 1:8 · Қорынттықт. 2-хат 5:7
2014 ж. 31 қаң.
Руларды санау 33:55 · Тімотеге 1-хат 6:12
2014 ж. 30 қаң.
Еврейлерге хат 12:1–2 · Лұқа 9:23
2014 ж. 29 қаң.
Жаратылыстың баст. 16:13 · Забур жырлары 139:1–4
2014 ж. 28 қаң.
Заңды қайталау 33:25 · Марқа 13:11
2014 ж. 27 қаң.
Жоханның 1-хаты 3:5 · Еврейлерге хат 1:1–3