Күнделікті нұр, 29 маусым: Оларды орындау қиын емес

Оларды орындау қиын емес.

Жоханның 1-хаты 5:3

Себебі Әкемнің еркі мынау: Өзінің рухани Ұлына назар аударып, сенім артқан барлық адамдарға мәңгілік өмір сыйлау.

Жохан 6:40

Одан не сұрасақ та, аламыз. Өйткені Құдайдың өсиеттерін орындап, Ол не қаласа, соны істейміз.

Жоханның 1-хаты 3:22

Себебі ыңғайлы — қамытым Менің, Әрі жеңіл — жүктейтін міндеттерім.

Матай 11:30

Сендер Мені сүйсеңдер, өсиеттерімді орындаңдар!

Жохан 14:15

Менің өсиеттерімді жүректеріне сақтап, орындап жүргендер — Мені сүйетіндер. Оларды Әкем де сүйеді. Мен де соларды сүйіп, Өзімді оларға жақынырақ таныстырамын.

Жохан 14:21

Қандай бақытты даналықты тапқан адам, Ақыл-парасатты иемденген әрбір жан! Даналық ұнамды жолдармен жүргізер, Соқпақтары адамды тыныштыққа жеткізер.

Нақыл сөздер 3:13, 17

Тәліміңді сүйгендер тыныштыққа кенелер, Ештеңеге сүрінбей, аман-есен жүрер.

Забур жырлары 118:165

Іштей Құдай заңына ризамын.

Римдіктерге хат 7:22

Ал Құдайдың өсиеттері мынау: Оның рухани Ұлы Иса Мәсіхке сеніп, бір-бірімізді сүюіміз керек.

Жоханның 1-хаты 3:23

Сүйіспеншілікке кенелген адам маңайындағыларға жамандық істемейді. Сондықтан сүйіспеншілік көрсету — Құдайдың заңын орындау.

Римдіктерге хат 13:10

Есіңе алмашы жас күнгі күнәмді, Кешіре гөр теріс қылықтарымды.

Забур жырлары 24:7

Әділетсіз істеріңді тұмандай сейілттім, Күнәларыңды жел айдаған бұлттай жоқ еттім, Енді теріс жолыңнан қайтып, бет бұр Өзіме!

Ишая 44:22

Алайда Мен өз еркіме сай қылмыстарыңды өшіріп тастаймын! Енді қайтып ешқашан да күнәларыңды есіме алмаймын!

Ишая 43:25

Жаратқан Ие былай деп шақырады: «Келіңдер, мәселелеріңді талқылап, шындығына жетейік! Күнәларың ал қызыл болса да, рақым етіп, сендерді қардай аппақ қылмақпын. Қылмыстарың қан қызыл болса да, сендерді кешіріп, аппақ жүндей ағартпақпын.

Ишая 1:18

Себебі Мен олардың әділетсіз істерін рақымшылықпен кешіріп, жасаған күнәларын бұдан былай есіме алмаймын.

Еремия 31:34

Күнәларымыздың бәрін де теңіздің тұңғиығына тастайсың!

Миха 7:19

Сен алып қалдың мені өлім аузынан, Күнәмді лақтырдың асыра арқаңнан.

Ишая 38:17

Өз меншікті халқын кінәсінен арылтатын әрі оның тірі қалғандарының теріс істерін кешіретін Сен сияқты қай Құдай бар? Сен мәңгілікке қаһарланбайсың, қайта, берік мейірім көрсетуден рақат табасың.

Миха 7:18

Және шынайы хабарды адал жеткізген Иса Мәсіх сендерге рақымын жаудырып, тыныштық сыйлай көрсін! Иса Мәсіх — өлімнен қайта тірілгендердің ең Бастысы, әрі жер бетіндегі патшалықтардың Әміршісі. Мәсіх бізді сүйіп, Өзін құрбан етіп қанын төгуімен күнәларымыздан тазартып арылтты.

Аян 1:5