Күнделікті нұр, 30 шілде: Менде ол жоқ! (Әйүп 28:14)

Мәсіх өлімнен қайта тірілгенде сендер Онымен бірге рухани тірілдіңдер. Сондықтан көкке лайықты қасиеттерді иемденуге ұмтылыңдар! Өйткені Мәсіх көкте, Құдайдың оң жағында отыр.

Қолостықт. хат 3:1

Парасатқа ие болып, даналыққа кенелгін.

Нақыл сөздер 4:5

Көктен келген даналық адамды ең алдымен пәк таза қылады.

Жақыптың хаты 3:17

Терең тұңғиық: «Ол менде емес!» дейді, Теңіз де: «Менде ол жоқ!» деп мәлімдейді.

Әйүп 28:14

Мәсіхпен тығыз байланысқанда біздер Онымен бірге рухани «өліп, жерлендік». Сонымен, Құдай Әке Өзінің ұлы құдіретінің арқасында Мәсіхті өлімнен қайта тірілтіп, жаңа өмір бергендей, біз де енді жаңаша өмір сүруіміз керек! Себебі біз осылай рухани тұрғыдан Мәсіхпен бірге «өліп», күнәлі өмір салтымыздан біржола бас тартқан болсақ, енді өлімнен қайта тірілген Мәсіхпен тығыз байланыста тұрып жаңаша өмір сүрейік!

Римдіктерге хат 6:4–5

Сондықтан да бізге бөгет болатынның барлығынан, әсіресе, тез шырмап алатын әрбір күнәдан арылып, алдымыздағы «жарысты» қажырлылықпен аяқтайық!

Еврейлерге хат 12:1

Алайда рақымы мол Құдай бізге зор сүйіспеншілігін көрсетті ... рухани өлі болған бізді Құдай Мәсіхпен бірге тірілтіп алды ... Құдай Мәсіх Исамен тығыз байланыстағы бізді Онымен бірге тірілтіп, көкте Оның жанына отырғызды.

Ефестікт. хат 2:4–6

Осылай айтқандар өздерінің шынайы отандарын көздеп жүргендерін білдіреді.

Еврейлерге хат 11:14

Жиналып, Жаратқан Иеге бет бұрып сиыныңдар, уа, елдегі кішіпейіл әрі Оның еркін орындаушы жандар! Оған мойынсұнып әділдік үшін ұмтылыңдар!

Софония 2:3

Парызшылдардың біреуі — бірде түн ішінде Исаға келіп кеткен Нікөдем де сол жерде болды.

Жохан 7:50

Петір Исаға алыстан, бас діни қызметкердің сарайының ауласына дейін, ілесе отырып, ішке кірді.

Матай 26:58

Ал Исраилдің басшы адамдарының көбі Исаға сенді, бірақ парызшылдар мәжілісханадан шығарып жібермесін деп Оны ашық мойындаған жоқ. Себебі олар Құдай беретін құрметті емес, адамнан көретін құрметті көбірек ұнататын.

Жохан 12:42–43

Пендеден қорқуы адамға тұзақ құрар, Жаратқанға сенуші қауіпсіз болар.

Нақыл сөздер 29:25

Ал Мен Өзіме келгендерді ешқашан қуып жібермеймін.

Жохан 6:37

Ол майысқан таяқты сындырмайды, Бықсыған білтені де сөндірмейді.

Ишая 42:3

Тіпті тарының түйіріндей ғана сенімдерің болса.

Матай 17:20

Өйткені Құдай бізге қорқыныш емес, күш, сүйіспеншілік және ұстамдылықты дарытатын Киелі Рухын сыйлады. Сондықтан да Иемізді ашық мойындаудан ешқашан тартынба!

Тімотеге 2-хат 1:7–8

Балаларым менің, Мәсіхпен тығыз байланыста қала беріңдер! Сонда Ол қайтып келгенде нық сеніміміз болып, Оның алдында ұятқа қалмаймыз.

Жоханның 1-хаты 2:28

Сонымен Мені адамдар алдында мойындаған әркімді Мен де көктегі Әкемнің алдында мойындаймын.

Матай 10:32