Күнделікті нұр, 17 тамыз: Олар үшін өтініп жатырмын

Жасаған күнәларыңды бір-біріңе айтып мойындап, бір-бірің үшін сиыныңдар!

Жақыптың хаты 5:16

Ыбырайым: — Мен күл мен топырақтан жаралған пенде болсам да, Иеммен сөйлесіп тұрмын. Мүмкін, әділ адамдардың саны елу емес, одан бесеуі кем шығар, сонда бесеуіне бола бүкіл қаланы құртпақсың ба? — деп сұрады. Иеміз оған: — Егер Мен одан қырық бес әділ кісі тапсам, сол қаланы құртпаймын, — деді.

Жаратылыстың баст. 18:27–28

Пилат талаптары орындалсын деп шешті.

Лұқа 23:24

Өздеріңді қудалағандар үшін Жаратқан Иеге мінажат етіңдер!

Матай 5:44

Олар үшін өтініп жатырмын. Саған бағынбайтын дүние үшін емес, Өзің Маған берген шәкірттерім үшін өтініп жатырмын, себебі олар Сенікі. Мен бұлар үшін ғана емес, олардың айтқандары арқылы Маған сенетін барлық адамдар үшін де өтініп тұрмын.

Жохан 17:9, 20

Біріңнің ауыр жүгіңді екіншің көтерісіңдер! Сөйтіп Мәсіхтің өсиетін орындайсыңдар.

Ғалаттықт. хат 6:2

Бір-бірің үшін сиыныңдар! Әділ адамдардың Құдайға сиынуларының күші орасан зор. Ілияс пайғамбар да біз сияқты пенде болатын. Алайда ол жаңбыр жаумасын деп шын жүректен сиынғанда, үш жарым жыл бойы жерге жаңбыр тамбады.

Жақыптың хаты 5:16–17

Адамның өмірі көк шөп секілді, Ол гүлдейді дала гүлі тәрізді: Ыстық жел соғып өтсе, ғайып болар, Тұрған жеріне беймәлім боп жоғалар.

Забур жырлары 102:15–16

Үйрете гөр ғұмырды есептеуді, Содан иемденейік дана жүректі.

Забур жырлары 89:12

Адам бүкіл дүниеге ие болып, сол себепті (мәңгілік) өмірінен айырылса, бұдан оған не пайда?

Марқа 8:36

Шынында халық сондай шөпке ұқсайды! Шөптер сарғайып қурап, гүлдер солады, ал Құдайымыздың сөзі мәңгі қалады.

Ишая 40:7–8

Осы дүние мен оның ләззаты өткінші, ал Құдайдың еркін орындаушылар мәңгі өмір сүреді.

Жоханның 1-хаты 2:17

Тыңдаңдар: Оның мейірім көрсететін кезі осы, құтқаратын күні, міне, бүгін!

Қорынттықт. 2-хат 6:2

Осы дүниенің қам-қарекетін жасап жүргендер оған тым беріліп кетпесін! Себебі дүниенің қазіргі қалпы жуырда сап болып, жойылады.

Қорынттықт. 1-хат 7:31

Өзара сүйіспеншілік көрсетіп, игілік істеуге қозғау салудың қамын ойлайық. Кейбіреулер сенушілердің жиналыстарына бармай қалуды дағдыға айналдырып алған сияқты. Ал біздер солай істемей, бір-бірімізді одан бетер жігерлендірейік. Иеміздің қайтып келетін күнінің таяп қалғанын білесіңдер ғой.

Еврейлерге хат 10:24–25