Күнделікті нұр, 16 қыркүйек: Сүйіспеншілікте қорқыныш жоқ

Ал оның жүрегін Жаратқан Ие тексерер.

Нақыл сөздер 21:2

Әділдің қамын Жаратқан ойлайды, Ал құдайсыздың ізі де қалмайды.

Забур жырлары 1:6

Ертең Жаратқан Ие кімнің Өзіне бағышталған киелі екенін көрсетеді.

Руларды санау 16:5

Сонда құпия істердің бәрін көретін Әкелерің сендерге сыйын бермек.

Матай 6:4

Уа, Құдай, жүрегімнің түкпірлерін тексере гөр, Мені мазалаған ойларымды біле гөр, Қауіпті жолдамын ба, сынай көрсеңші, Мәңгілік өмір жолымен мені жүргізсеңші!

Забур жырлары 138:23–24

Сүйіспеншілікте қорқыныш жоқ. Шынайы сүйіспеншілік қорқынышты жолатпайды.

Жоханның 1-хаты 4:18

Уа, Ием, Саған аян барлық қалауым, Құпия емес Саған ыңқылдауым.

Забур жырлары 37:10

Рухым қажығанда Сен білесің жолымды.

Забур жырлары 141:3

Ал Тәңір Ие адам жүрегінің түкпір-түкпіріндегіні біледі. Киелі Рух Құдайдың адамдары үшін Оның еркіне сай өтініш жасағанда Құдай Киелі Рухтың ниетін де түгелдей түсінеді.

Римдіктерге хат 8:27

Бірақ Құдайдың салған негізі берік тұрады, онда мына сөздер «мөрленіп» жазылған: «Иеміз Өзінікі болған адамдарын жақсы біледі» және «Иеміздің атын атап сиынатын әркім жамандықтан алшақтасын!»

Тімотеге 2-хат 2:19

Кешке жылап-сықтау басым болады, Ал таң ата қуаныш тосып тұрады.

Забур жырлары 29:6

Азап шегу маңдайымызға жазылғандығы өздеріңе мәлім. Қастарыңда жүрген кезімізде «Қуғынға ұшырайтын боламыз» деп алдын ала айттық қой. Міне.

Салониқал. 1-хат 3:3–4

Тыныштыққа кенелсін деп айттым. Күнәкар дүниеде қысымшылық көресіңдер; алайда батыл болыңдар: Мен осы дүниені жеңіп шықтым!

Жохан 16:33

Оянып, көрінісіңе қарап сүйсінемін.

Забур жырлары 16:15

Түнгі уақыт бітуге таяп қалды, ал Мәсіхтің күні жақындады.

Римдіктерге хат 13:12

Бұлтсыз аспандағы таңғы шапақтай, Жерден көк шөп өсіріп шығаратын Жаңбырдан кейінгі күн нұрындай.

Патшалықтар 2-ж. 23:4

Ол өлімді біржола жоқ қылады. Жаратушы Тәңір Ие барлық бет-жүздердің көз жастарын сүртіп жұбатып, өз халқының көрген масқарасын бүкіл жер бетінен алып тастайды.

Ишая 25:8

Енді қайтып өлім, жоқтау, зар еңіреу мен ауру болмайды. Себебі бұрынғы әлем құрып, жоқ болды.

Аян 21:4

Тірі жүрген біз мұнан соң солармен бірге Иемізбен кездесу үшін бұлттың үстімен көкке көтерілеміз. ... Бір-біріңді осы сөзбен жұбатыңдар!

Салониқал. 1-хат 4:17–18