Күнделікті нұр, 9 қаңтар: Жаратқан Ие бізді ақтады

Сен Өзіңді қастерлейтіндерге ту бердің, Олар соны көтерсін деп шындық үшін.

Забур жырлары 59:6

Мұса сол жерде құрбандық ұсынатын орын салып, оны «Біздің туымыз — Жаратқан Ие» деп атады.

Мысырдан шығу 17:15

Оның салтанатты ұлылығына қайран қалады. Өйткені Жаратқан Иенің дауылы су тасқынын қатты айдағандай, Өзі де тездете аттанып келеді.

Ишая 59:19

Сонда жеңісіңе қуана әндетеміз, Құдайымыздың атынан ту көтереміз.

Забур жырлары 19:6

— Жаратқан Ие бізді ақтады. Жүріңдер, Сионда Құдайымыз Жаратқан Иенің істеген керемет ісін паш етейік! (— дейді исраилдіктер.).

Еремия 51:10

Ал осының бәрінде біз өзімізді шексіз сүйетін Иеміздің арқасында ұлы жеңіске жетеміз.

Римдіктерге хат 8:37

Құдайға шүкірлік етейік! Ол бізге Иеміз Иса Мәсіх арқылы жеңісті сыйлайды.

Қорынттықт. 1-хат 15:57

Бүкіл әлемді Өзі үшін жаратқан Құдайға осы лайық еді.

Еврейлерге хат 2:10

Соңында айтарым мынау, бауырластарым: Иемізбен тығыз байланыста жүріп, Оның құдіретінен қуат алып, нығая беріңдер!

Ефестікт. хат 6:10

Өтіріктің арқасында олар елге өктемдік жасап.

Еремия 9:3

Тек ерлікпен маған қызмет етіп.

Патшалықтар 1-ж. 18:17

Уа, елдің бүкіл халқы! — деп шақырады Жаратқан Ие. — Еңбек етіңдер! ... Қорықпаңдар!

Хаққай 2:4–5

Көздеріңді ашып, егіндіктерге қараңдар, олар жинауға дайын пісіп тұр.

Жохан 4:35

Себебі келуге тиісті Ол сәлден кейін келіп, еш кешікпейді.

Еврейлерге хат 10:37

Ал керегі бір-ақ нәрсе ғой.

Лұқа 10:42

«Кім бізге жақсылық жасар?» деп сұрап, Күдік келтіреді көптеген кісілер. Уа, Жаратқан, жылы шыраймен қарап, Бет-жүзіңнің нұрын бізге төге гөр. Молайса нан менен жүзім шырыны, Саған сенбейтіндер масаттанады. Менің жүрегімді Өзің шаттандырдың, Соншама зор қуанышқа толтырдың.

Забур жырлары 4:7–8

Марал қалай аңсаса мөлдір суды, О, Құдай, жаным солай Сені аңсайды. Жаным шын Құдайды іздеп шөліркейді, Қашан мен Құдайыма бара аламын.

Забур жырлары 41:2–3

Уа, Ием, Сен сиынатын Құдайымсың, Таң сәріден мен Саған бет бұрамын, Сусыз жердемін кеуіп, құлазыған, Жан-тәніммен Сені аңсап сағынам.

Забур жырлары 62:2

Шынайы өмір сыйлайтын «нан» Менмін. Маған келгендер рухани нәрден тарықпайды, Маған сенгендер ешқашан шөлдемейді! ... бізге әрқашан осындай нан беріп тұрыңызшы! — деп өтінді.

Жохан 6:35, 34

Ол Иеміз Исаның аяқ жағына отырып алып, сөзін құлақ салып тыңдады.

Лұқа 10:39

Иемнен бір-ақ нәрсені сұрадым, Тек мынау ғана менің аңсағаным: Өмір бойы Оның үйінде болсам, Жаратқан Иенің көркіне қарасам, Ғибадатханасында ойланып-толғансам.

Забур жырлары 26:4