Күнделікті нұр, 9 тамыз: Қымбаттым, сен тұтастай әдемісің

Қымбаттым, сен тұтастай әдемісің, Жоқ тұла бойыңда ешқандай мінің!

Таңдаулы ән 4:7

Опасыздық жасауды қоймайсыңдар? Содан халықтың басы түгелдей жара, жүрегі әлсіз. Табанынан тас төбесіне дейін сау жері жоқ. Тұла бойы толған жарақаттар, қамшының іздері, жараларының ауыздары ашық. Ешкім оларды жуып, май жағып сылап, таңған емес.

Ишая 1:5–6

Бәріміз де күнәға батып рухани ластанып кеттік! Күллі әділ істеріміздің өзі лас шүберектей жиренішті!

Ишая 64:6

Менің бойымда, яғни ескі күнәкар болмысымда, жақсылық жоқ екенін білемін.

Римдіктерге хат 7:18

Алайда сендер күнәдан тазардыңдар; енді Иеміз Иса Мәсіхтің атына сиынып Құдайымыздың Рухы арқылы Оның қасиетті халқы болып, ақталдыңдар.

Қорынттықт. 1-хат 6:11

Қалыңдық ханшаң отыр өз бөлмесінде.

Забур жырлары 44:14

Сол туралы даңқың халықтардың арасына кең жайылды», — дейді Жаратушы Тәңір Ие.

Езекиел 16:14

Құдай Иеміз бізге риза бола көрсін.

Забур жырлары 89:17

Ол маған былай деп түсіндірді: — Бұлар — зор қудалану кезеңінен өткендер. Олар шапандарын Тоқтының төгілген қанымен «жуып» аппақ қылды.

Аян 7:14

Сонымен қауым күйеуіне апарылған қалыңдықтай салтанатты да сұлу, ешбір дақсыз, ақаусыз, басқа да кемшіліксіз, қасиетті де пәк таза болсын.

Ефестікт. хат 5:27

Сендер Мәсіхпен тығыз байланысып, рухани игіліктерге толықтай ие болдыңдар.

Қолостықт. хат 2:10

Сол «құдықтарының» жырық тесіктері болғандықтан, оларда су сақталмайды.

Еремия 2:13

Сонда Хауа: «Жаратқан Иенің жарылқауымен бір ұл балаға ие болдым», — деді.

Жаратылыстың баст. 4:1

Өзімізге қала және төбесі көкке жететін зәулім мұнара тұрғызып алайық. Осылайша өз атымызды шығарайық ... Осылайша Жаратқан Ие адамдарды сол жерден бүкіл жер бетіне бытыратып жіберіп, қала құрылысын тоқтатты.

Жаратылыстың баст. 11:4, 8

Сонымен Лут өзіне шығыста орналасқан бүкіл Иордан алқабын таңдап алып ... Себебі бұрын сол жердің суы мол болып, Жаратқан Иенің пейіш бағына және Ніл бойындағы Мысыр еліне ұқсайтын. ... Бірақ Содомның тұрғындары Жаратқан Иенің көз алдында ауыр күнәға батқан зұлым адамдар еді.

Жаратылыстың баст. 13:11, 10, 13

Сондықтан мен даналық пен білім әрі топастық пен ақымақтық туралы мүмкіндігінше көбірек біліп алуға көңіл бөлдім. Бірақ бұның да жел соңынан қуғандай бекершілік екенін ұғындым. Өйткені «адам көбірек түсінген сайын түңіле түседі, көбірек білген сайын күйіне түседі».

Уағыздаушы 1:17–18

Мен үлкен істерге де кірістім: өзіме арнап сарайлар салып, жүзімдіктер отырғыздым. Мен алтын-күміс жиып ... Қолға алған жұмыстарыма әрі атқарған бейнетті еңбегіме назар аударғанда олардың да жел соңынан қуғандай бекершілік екенін, сондай-ақ, осы өткінші дүниеде шынайы табысқа жетуге болмайтынын байқадым.

Уағыздаушы 2:4, 8, 11

Кімнің жаны шөлдесе, сол Маған келіп, «ішсін»!

Жохан 7:37

Сусаған адамның шөлін Ол қандырды, Қарны аш жанды нәрлі аспен тойдырды.

Забур жырлары 106:9

Ойларыңды күнәкар дүниедегіге емес, көктегіге аударыңдар!

Қолостықт. хат 3:2