Күнделікті нұр, 26 маусым: Мәсіх біздер үшін өмірін құрбан етті

Мені жарылқап ... Құдіретті қолыңмен маған жар бола гөр. Азапқа ұшырататын жамандықтан аулақ сақтай гөр! Сонда Құдай Ябеске сұрағанын берді.

Шежірелер 1-ж. 4:10

Жаратқанның жарылқауы адамды бай қылар, Бұл байлыққа Ол қайғы-қасірет қоспас.

Нақыл сөздер 10:22

Бірақ егер Құдай үнсіз қала беретін болса, Оны кім айыптай алады? Егер Ол өз жүзін жасырса, кім Оны көре алады?

Әйүп 34:29

Уа, Жаратқан, Құтқарушымыз Сенсің, Батаңды төге гөр халқыңа Өзіңнің.

Забур жырлары 3:9

Ием, қандай мол Сенің ізгілігің: Өзіңді қастерлеп, паналайтындар үшін Соны сақтап, жұрт алдында сыйлайсың.

Забур жырлары 30:20

Сенен оларды осы дүниеден әкете гөр деп емес, әзәзіл шайтаннан қорғай гөр деп сұрап тұрмын.

Жохан 17:15

Құдайдан сұраңдар, сонда Ол сендерге (мұқтаждарыңды) береді; іздеңдер, сонда табасыңдар; есікті қағыңдар, сонда ол сендерге ашылады. Себебі сұрай берген әркім алады, іздей берген табады, қағып тұрғанға есік ашылады.

Матай 7:7–8

Жаратқан Ие құтқарады өз құлдарын, Ол соттамайды Өзін паналағандарын.

Забур жырлары 33:23

Бұл түні Жаратқан Иенің Өзі оларды Мысырдан алып шығу үшін сергек болып күзеткендіктен, осы түн Жаратқан Иеге бағышталған.

Мысырдан шығу 12:42

Иеміз Иса ұсталып берілер түні нанды алып, шүкірлік етті де, үзіп беріп, былай деді: «Бұл — сендер үшін құрбан болмақ денем. Мені естеріңе түсіру үшін осылай істеңдер!» Сондай-ақ, кешкі астан кейін тостағанды да алып: «Мына тостаған — төгілмек қаныммен бекітілетін Жаңа Келісім. Одан ішкен сайын Мені естеріңе түсіру үшін осылай істеңдер!» — деді.

Қорынттықт. 1-хат 11:23–25

Мінажат етіп былай деді: Рухани күресіп қатты қиналған Иса одан бетер сиынып мінажат етті. Оның тері қан тамшыларына ұқсап жерге тамып жатты.

Лұқа 22:41, 44

Бұл Құтқарылу мейрамынан бір күн бұрын түскі сағат он екілерде болған еді. ... Сонымен жасақшылар Исаны ұстап алып кетті. ... қаладан шықты да ... Ғолғота. Жасақшылар Исаны басқа екі адаммен бірге.

Жохан 19:14, 16–18

Мәсіх біздер үшін өмірін құрбан етті. Сол арқылы сендер жаңа, пәк таза адам болдыңдар. Сондықтан да бұрынғы зұлым да сұрқия әдеттеріміздің «ескі ашытқысынан» арылып, қасиетті өмір кешіп, адалдық пен ақиқаттың «тәтті нанының» дәмін татып, тойлайық!

Қорынттықт. 1-хат 5:7–8