Күнделікті нұр, 24 қараша: Сен мұнда не істеп жүрсің?

Орындайтындар Маған шеше мен бауырлар іспетті жақын! — деп жауап қайырды.

Лұқа 8:21

Адамдарды Оған бағыштаған Мәсіх те, сол адамдар да бір Әкеден тарайды. Сондықтан да Мәсіх оларды бауырларым деп атаудан ұялмайды. Ол алдын ала былай деген: «Атыңды бауырларыма білдіремін, қауым жиынында Сені дәріптеймін». — Ол тағы мынадай сөздер де айтқан.

Еврейлерге хат 2:11–12

Иса Мәсіхпен тығыз байланыста болғандар үшін сүндеттелу не сүндеттелмеу маңызды емес. Біз үшін ең маңыздысы — сүйіспеншілікпен әрекет жасайтын сенім.

Ғалаттықт. хат 5:6

Егер Менің тапсырғандарымды орындасаңдар, Маған доссыңдар.

Жохан 15:14

Құдай сөзін естіп, оны орындайтындар одан бетер бақытты! — деді.

Лұқа 11:28

Маған: «Мырза, Ие!» дейтін әркім емес, көктегі Әкемнің еркін орындайтындар ғана Оның Патшалығына кіре алады.

Матай 7:21

Өзімді Жібергеннің еркін іске асырып, Оның тапсырғанын толық орындау Маған «нәр» болады.

Жохан 4:34

Егер біз «Құдаймен байланыстамыз» дей тұра, түнекте жүрсек, өтірікші боламыз, әрі өміріміз шындыққа сай болмай қалады.

Жоханның 1-хаты 1:6

Құдайға деген сүйіспеншілік Оның сөзін орындаған кісіде шын мәнінде толық болып, мақсатына жетті. Құдаймен тығыз байланыста екенімізді мынаған қарап білеміз.

Жоханның 1-хаты 2:5

Сен мұнда не істеп жүрсің? — деді.

Патшалықтар 3-ж. 19:9

Құдай жүретін жолымды жақсы біледі.

Әйүп 23:10

(Ән-күйдің жетекшісіне арналған Дәуіттің жыры.) Уа, Жаратқан Ие, мені сынап тексердің, Сен мені толығынан танып білесің: Отырғаным, тұрғаным да Саған аян, Ойларымды біліп, ұғасың алыстан. Жүрейін не демалайын, көз алдыңдамын, Жолдарымның барлығы да Саған айқын. Сенің Рухыңнан мен қайда қашпақпын? Көз алдыңнан қайда жасырынбақпын? Таң шапағына қалықтап ұшсам да, Не теңіздің ар жағына қонсам да, Сол жерде де мені қолың жетелеп, Құдіретті қолың ұстайды демеп.

Забур жырлары 138:1–3, 7, 9–10

Ілияс пайғамбар да біз сияқты пенде болатын.

Жақыптың хаты 5:17

Пендеден қорқуы адамға тұзақ құрар, Жаратқанға сенуші қауіпсіз болар.

Нақыл сөздер 29:25

Сүрінсе әділ жан, біржола құламайды, Жаратқан оны қолынан демеп қолдайды.

Забур жырлары 36:24

Жеті рет жығылса да әділ жан, Қайта тұрып кетер орнынан.

Нақыл сөздер 24:16

Жақсылық жасаудан талмайық! Себебі бұдан шаршап, бас тартпасақ, тиісті уақытта оның игілікті өнімін Құдайдан қабылдайтын боламыз.

Ғалаттықт. хат 6:9

Сиынып мінажат етіңдер! Рух дайын болғанмен, тән осал», — деді.

Матай 26:41

Әкенің сәбиіне жаны ашығаны іспетті, Жаратқан Иеміз де Өзін қастерлегендерге Дәл сондай мейірім мен жанашырлық көрсетеді.

Забур жырлары 102:13