Күнделікті нұр, 18 қараша: Бірақ адамдардың қолына түспейінші!

Ол шығыстан соққан аптап жел сияқты оларды «қатты дауылмен» елінен айдап шығады.

Ишая 27:8

Жаратқан Иенің қолына түсейік, өйткені Оның мейірімі мол. Бірақ адамдардың қолына түспейінші!

Патшалықтар 2-ж. 24:14

Мен саған жар болып, сені құтқарамын, — деп уәде береді Жаратқан Ие. ... Алайда сені мүлдем жазасыз қалдырмай, әділдікпен жазалаймын.

Еремия 30:11

Ол бізді ұдайы айыптамайды, Мәңгі бақи кек те сақтамайды, Бізді күнәмізге қарап жазаламайды, Жаман ісіміздің есесін қайтармайды. Неден жаратылдық, соны түгел біледі, Топырақтан екеніміз Оның есінде.

Забур жырлары 102:9–10, 14

Әке өзінің адал қызмет етіп келген ұлына мейірім көрсететініндей, Мен де оларға мейірім көрсетемін!

Малахи 3:17

Еліктірген жағдайлар әдетте адамдардың бастарына түсіп жүргендегідей ғана болып келді. Ал Құдай Өзінің уәдесіне берік: Ол төзімдеріңнен артық сыналуларыңа жол бермейді. Еліктірілген кездеріңде соған шыдауға күш-қуат беріп, құтылып шығудың лайықты жолымен қамтамасыз етеді.

Қорынттықт. 1-хат 10:13

Жұрттың бидайды қауызынан ажырататыны сияқты, әзәзіл шайтанға да сендерді сынақтан өткізуге жол берілді. Бірақ Мен сенімің таусылмасын деп сен үшін мінажат еттім.

Лұқа 22:31–32

Ал жарлылар Өзіңнен баспана табады, Апатта мұқтаждар қасыңда қорғанады, Оларға қорғаныш боласың дауылдан Әрі ыңғайлы көлеңке боп ыстықтан. Жауыздардың кәрлі лебі қабырғаны Соққылаған боран.

Ишая 25:4

Алайда келіп, өз көзіммен көргенге дейін сол сөздерге сенбеген едім. Расында оның тіпті жартысы туралы да естімеппін!

Патшалықтар 3-ж. 10:7

Ежелгі Оңтүстік Арабияның патшайымы да қиямет күні осы ұрпақпен бірге сот алдында тұрып, оның қиқарлығын әшкерелейді. Себебі патшайым Сүлеймен патшаның даналық сөздерін тыңдау үшін жердің қиыр шетінен келді. Ал мұнда Сүлеймен патшадан да мәртебесі зор Біреу бар! (Алайда сендер Маған құлақ аспайсыңдар!).

Матай 12:42

Сонда біз Әкенің жалғыз рухани Ұлының асқан ұлылығын көрдік: Ол рақымдылық пен шындыққа толы еді.

Жохан 1:14

Сөз сөйлеп, уағыз айтқанда адамды сендірерліктей данышпан пікірлерге емес, Құдайдың Рухы мен құдіретінің айқын көрінуіне сүйендім. Ондағы мақсатым — сенімдеріңнің негізі адамның даналығы емес, Құдайдың құдіретінің болуы. Алайда (Киелі жазбаларда) алдын ала жазылғандай, көз көріп, құлақ естімеген, адам ойына ешқашан келмеген игіліктерді Құдай Өзін сүйетіндерге дайындап қойған. Бұны Құдай біздерге Өзінің Киелі Рухы арқылы анық білдірді. Киелі Рух бәрінен де, Құдайдың терең ой-мақсаттарынан да хабардар.

Қорынттықт. 1-хат 2:4–5, 9–10

Сендер Патшаны асқан салтанатында өз көздеріңмен көресіңдер.

Ишая 33:17

Себебі сол кезде Оның шынымен қандай екенін көретін боламыз.

Жоханның 1-хаты 3:2

Соңында мен денемде Құдайды көретін боламын!

Әйүп 19:26

Оянып.

Забур жырлары 16:15