2013 ж. 1 қараша, жұма

Күнделікті нұр

Қандай бақытты — күнде маған құлақ асқан, Сергек боп қақпамда өзімді күтіп тұрған.

Нақыл сөздер 8:34

Егер де Жаратқан жар болмағанда, Адамдар бізге шабуыл жасағанда,

Забур жырлары 123:2

Бұл — келер ұрпақтарыңның да күн сайын шалып, өртеу арқылы жасауға тиісті құрбандығы. Оны Жаратқан Иенің алдында, кездесу шатырының кіреберісінің жанында ұсыныңдар. Осы жерде Мен сенімен кездесіп, саған тіл қатпақпын.

Мысырдан шығу 29:42

Маған арнап топырақтан құрбандық орнын салыңдар. Ұсақ әрі мүйізді ірі қара малдарыңнан құрбандық шалып, кейбіреулерін құрбандық орнының үстінде тұтасымен өртеп Маған ұсыныңдар. Ризашылық құрбандықтарының белгілі бөліктерін де соның үстінде өртеп ұсыныңдар. Мен өз атымды атап, дәріптеулеріңе рұқсат еткен әрбір орында солай істеңдер. Сонда Мен қастарыңа келіп, өздеріңді жарылқаймын.

Мысырдан шығу 20:24

Өйткені екі-үш адам Менің атымнан жиналса, Мен де сол жерде араларында боламын.

Матай 18:20

Нағыз сиынушылардың Құдайдың Рухына кенеліп, Әкеге шындап мойынсұнып сиынатын уақыты болады, ол тіпті жетіп те қалды: Әке Өзіне осылай мойынсұнып сиынушыларды қалайды. Құдайдың Өзі — Рух. Сондықтан Оған сиынатындар Оның Рухына кенеліп, шындықпен сиынуға тиіс. —

Жохан 4:23–24

Киелі Рух арқылы әрдайым Құдайға сиынып, барлық өтініштеріңді айтып, рухани сергек те шыдамды болыңдар: Құдайдың бүкіл халқы үшін мінажат ете беріңдер!

Ефестікт. хат 6:18

Құдайға үздіксіз сиыныңдар,

Салониқал. 1-хат 5:17

Себебі Сәби дүниеге келді, Біз үшін осы Ұл сыйға берілді! Билік Оның қолында қала береді: Ол «керемет ақылды Кеңесші, Құдіретті Құдай, Мәңгілік Әке, Тыныштықты сыйлайтын Әмірші» Деп те аталатын болады.

Ишая 9:6

Осы патшаға Жаратқан Иенің Рухы қонып, оған даналық пен парасат, ақыл-кеңес пен құдірет, білімділік және Жаратқан Иені терең қастерлеуді дарытады. Өзі Жаратқан Иеге мойынсұнып, Оны терең қастерлеуден қуаныш табады. Патша тек көрген сырт пішінге, ұзын құлақтан естігеніне ғана сүйеніп үкім шығармайды.

Ишая 11:2–3

Даналық шақырып жатыр емес пе, Ақыл-парасат дауыстап тұр емес пе?

Нақыл сөздер 8:1

«Уа, халайық, сендерді шақырамын, Бар адамзатқа дауыстап айтамын: Аңқаулар, енді үйреніңдер, Аңғалдар, түсінік иеленіңдер, Тыңдаңдар мені, асыл сөз айтпақпын, Ақиқат — барлығы да айтарымның.

Нақыл сөздер 8:4–6

Менде ақыл-кеңес бар, адал сана, Иемін парасат, күш-қуатқа да.

Нақыл сөздер 8:14

Бұл даналық та Әлемнің Иесінен келеді. Оның ақыл-кеңесі керемет, даналығы ғаламат!

Ишая 28:29

Ал егер кейбіреулерің даналыққа мұқтаж болсаңдар, Құдайдан сұраңдар, Ол береді. Тәңір Иеміз еш жазғырмай-ақ бәріне жомарттықпен бере салады.

Жақыптың хаты 1:5

Өз ақыл-санаңа сүйеніп жүрме, Сенім арт шын жүректен Жаратқан Иеңе. Бар жағдайда да мойында Тәңір Иеңді, Сонда Ол тура жолмен жетелер сені.

Нақыл сөздер 3:5–6

Киелі кітап үзінділері Daily Light on the Daily Path кітабынан (қоғамдық игілік).

Оқу параметрлері

Соңғы күндер

Барлығын көру

2013 ж. 31 қаз.
Зәкәрия 4:6 · Ишая 40:13
2013 ж. 30 қаз.
Жоқтау 3:26 · Забур жырлары 77:9
2013 ж. 29 қаз.
Таңдаулы ән 5:16 · Забур жырлары 104:34
2013 ж. 28 қаз.
Ишая 59:16 · Забур жырлары 40:6–8
2013 ж. 27 қаз.
Матай 8:17 · Леуіліктер 14:4–7
2013 ж. 26 қаз.
Забур жырлары 99:1 · Еремия 5:22
2013 ж. 25 қаз.
Матай 28:20 · Жохан 14:21–23