2014 ж. 28 ақпан, жұма

Күнделікті нұр

Өйткені Құдай адамзатты сондай қатты сүйгендіктен, Өзінің жалғыз рухани Ұлын құрбандыққа берді. Енді Оған сенуші әркім жаны тозаққа түспей, мәңгілік өмірге ие болады.

Жохан 3:16

Осының бәрі де Құдайдың ісі. Ол бізді Мәсіх арқылы Өзімен татуластырып, бізге басқаларды Өзімен татуластыру қызметін аманаттады. Құдай адамзатты Мәсіхтің арқасында Өзімен татуластырды, енді олардың күнәларын мойындарына артпай, татуласу туралы Ізгі хабарды жариялауды бізге тапсырды. Осылайша Мәсіхтің өкілдеріміз, біз арқылы Құдайдың Өзі адамдарға ескертеді. Мәсіхтің атынан: «Құдаймен татуласыңдар!» — деп өтінеміз. Тәңір Ие біздің күнәларымызды ешқашан күнә жасамаған Мәсіхке артты. Онымен тығыз байланысқан біз осы арқылы Құдайдың алдында ақталдық.

Қорынттықт. 2-хат 5:18–21

Сүймейтін кісі Құдайды білмейді, өйткені Құдай — сүйіспеншілік. Құдай бізге деген сүйіспеншілігін былай көрсетті: Сол арқылы шынайы өмір сүруіміз үшін Құдай Өзінің жалғыз рухани Ұлын бұ дүниеге жіберді. Бұл сүйіспеншіліктің мәнісі мынада: Құдайды сүйген біз емес, қайта, Ол бізді сүйгендіктен, құрбандығы арқылы күнәміздің құнын өтеу үшін Өзінің рухани Ұлын жіберді. Сүйікті бауырларым, Құдай бізді осылайша сүйгендіктен, біз де бір-бірімізді сүюіміз керек.

Жоханның 1-хаты 4:8–11

Адамның рухы — Жаратқанның шырағы, Жүрек түкпірлерін зерттейді ол қырағы.

Нақыл сөздер 20:27

Әлгілер сұрай берген соң, Иса басын көтеріп: — Араларыңда кімде-кім күнәсіз болса, сол әйелге бірінші болып тас лақтырсын, — деп,

Жохан 8:7

Олар Оның сөзін естігеннен кейін ұялып, алдымен үлкендері, содан кейін басқалары бірінен соң бірі шығып кетті. Ал Иса ортада тұрған әйелмен оңаша қалды.

Жохан 8:9

Құдай Ие адамнан: — Саған жалаңашсың деп кім айтты? Сен Мен жеуге тыйым салған ағаштың жемісінен жедің бе? — деп сұрады.

Жаратылыстың баст. 3:11

Кім жасауға тиісті жақсылықты біле тұра жасамаса, сол күнәлі.

Жақыптың хаты 4:17

Себебі егер жүрегіміз бізді айыптаса да, Құдай жүрегімізден жоғары ғой, Ол бәрін де біледі. Сүйікті бауырларым, жүрегіміз бізді айыптамағанда Құдай алдында нық сеніміміз болады және

Жоханның 1-хаты 3:20–21

Жейтін тамаққа бола бауырластардың өміріндегі Құдайдың ісін бұзба! Әрине, тамақтың бәрі де адал, бірақ біреудің кейбір тағамды ішіп-жеуі басқа сенушілердің өз ар-ұждандарына қайшы іс істеулеріне түрткі болуы дұрыс емес!

Римдіктерге хат 14:20

Осы мәселе жайында ұстанған сенімің жеке өзің мен Құдай арасында болсын. Өзінің дұрыс деп таңдағанын істегенде ар-ұжданы айыптамайтын адам бақытты!

Римдіктерге хат 14:22

Киелі кітап үзінділері Daily Light on the Daily Path кітабынан (қоғамдық игілік).

Оқу параметрлері

Соңғы күндер

Барлығын көру

2014 ж. 27 ақп.
Римдіктерге хат 6:11 · Жохан 5:24
2014 ж. 26 ақп.
Жоқтау 3:40 · Забур жырлары 26:2
2014 ж. 25 ақп.
Жақыптың хаты 4:7 · Ишая 59:19
2014 ж. 24 ақп.
Езекиел 36:37 · Жақыптың хаты 4:2
2014 ж. 23 ақп.
Еврейлерге хат 12:24 · Жохан 1:29
2014 ж. 22 ақп.
Забур жырлары 25:12 · Матай 6:22
2014 ж. 21 ақп.
Леуіліктер 20:8 · Леуіліктер 20:24