2014 ж. 22 ақпан, сенбі

Дененің «шамы» — көз. Көзің кіршіксіз таза болғанда өмірің түгелдей нұрға кенеледі.

Матай 6:22

Сонда сендер жолдан оңға не солға қарай бұрылмақ болғанда, бір дауыстың арт жақтан: «Жол мынау, сонымен жүріңдер!» дегенін еститін боласыңдар.

Ишая 30:21

Күллі жер Жаратқан Иені қастерлесін, Әлемнің бар халқы Оны құрметтесін, Өйткені Ол сөз айтқанда орындалды, Бұйрық бергенде бар болып, берік тұрды. Иеміз бағынбайтын ұлттардың ойларын Шайқалтып, жояды арамза жоспарларын. Жаратқанның жоспары мәңгі берік тұрады, Бар ұрпақтарға ниеті нық сақталады.

Забур жырлары 32:8–11

«Уа, Жаратқан Ие, адамның өмір жолы өз еркінде еместігін білемін. Адамның өз жүретін жолын өздігінен бағыттауына болмайды.

Еремия 10:23

Біраздан кейін сұрапыл дауыл көтеріліп, қайық толқынның астында қалып, суға тола бастады. Ал Иса қайықтың артқы жағында көпшік жастанып ұйықтап жатты. Шәкірттері Оны оятып: «Ұстаз, құритын болдық! Жағдайымызды ойламайсыз ба?» — деп айқайлады.

Марқа 4:37–38

Еш нәрсені уайымдамай, барлық жағдайда өтініштеріңді Құдайға сиынып тілекпен және шүкірлікпен білдіріңдер! Сонда Құдайдың адам ақылынан асқан керемет тыныштығы сендердің жүректерің мен ой-саналарыңды Мәсіх Исада сақтайды.

Філіпілікт. хат 4:6–7

Молайса нан менен жүзім шырыны, Саған сенбейтіндер масаттанады. Менің жүрегімді Өзің шаттандырдың, Соншама зор қуанышқа толтырдың.

Забур жырлары 4:8

Еткен еңбегіңнің өнімін жейсің, Құдай сені жарылқап, өркендейсің.

Забур жырлары 127:2

Олар тас лақтырып ұрып жатқанда, Степан: «Уа, Ием Иса, рухымды Өзіңе ала гөр! — деп сиынды. Тізерлеп отыра қалған ол қатты дауыстап: — Ием, олардың бұл күнәсін мойындарына арта көрме!» — деді. Осыларды айтысымен ол жан тапсырды.

Елшіл. істері 7:59–60

Содан жігерлі болып, осы тәнімізді тастап, Иеміздің қасында орнығуды қалаймыз.

Қорынттықт. 2-хат 5:8