Пендеден қорқуы адамға тұзақ құрар, Жаратқанға сенуші қауіпсіз болар.
Нақыл сөздер 29:25
Күнделікті нұр
Пендеден қорқуы адамға тұзақ құрар, Жаратқанға сенуші қауіпсіз болар.
Нақыл сөздер 29:25
Жаратқан Иенің мәртебесі қандай жоғары! Ол көкте тұрып, Сионды әділдік пен ақиқатқа кенелтеді.
Ишая 33:5
Таулар қошқар іспетті секірді, Төбелер қозы іспетті секектеді.
Забур жырлары 113:4
Жер, дірілде Жаратқанның алдында, Жақып сиынған Құдайдың алдында. Құдай жартасты айналдырды көлге, Дәу шақпақ тасты атқылаған су көзіне.
Забур жырлары 113:7–8
Алайда рақымы мол Құдай бізге зор сүйіспеншілігін көрсетті: Оның айтқанына көнбей, рухани өлі болған бізді Құдай Мәсіхпен бірге тірілтіп алды. Осылайша тек Оның рақымымен ғана құтқарылдыңдар. Құдай Мәсіх Исамен тығыз байланыстағы бізді Онымен бірге тірілтіп, көкте Оның жанына отырғызды.
Ефестікт. хат 2:4–6
Ол Өзінің жалғыз рухани Ұлын аямай, Оны біз үшін өлімге қиды. Ендеше Онымен бірге бізге қажеттінің бәрін қалайша сыйламайды?
Римдіктерге хат 8:32
Мен мынаған нық сенемін: өлім де, өмір де, періштелер де, жын-перілер де, бүгінгі күн де, болашақ та, табиғаттан тыс күштер де бізді Құдайдың сүйіспеншілігінен айыра алмайды! Рас, не үстіміздегі, не астымыздағы ешқандай күш те, тіпті жаратылыстың басқа ешбір нәрсесі де бізді Құдайдың Иеміз Иса Мәсіх арқылы көрсетіп жүрген сүйіспеншілігінен айыра алмайды!
Римдіктерге хат 8:38–39
Киелі кітап үзінділері Daily Light on the Daily Path кітабынан (қоғамдық игілік).
Соңғы күндер
2014 ж. 9 там.
2014 ж. 8 там.
2014 ж. 7 там.
2014 ж. 6 там.
2014 ж. 5 там.
2014 ж. 4 там.
2014 ж. 3 там.