2015 ж. 11 наурыз, сәрсенбі

Күнделікті нұр

2015 ж. 11 нау.

Иса көзіне жас алды.

Жохан 11:35

Оны адамдар менсінбей, жалғыз қалдырды. Ол ауыр азап көріп, көп қасірет шегіп, жұрт бетін бұрып әкететіндей жиренішті болды. Оны біз де бағалаған жоқпыз.

Ишая 53:3

Ол бізге жаны ашымайтын, осал жақтарымызды түсінбейтін діни қызметкер емес, қайта, өзіміз сияқты әр түрлі сынақтан өтіп көрді, бірақ ешқашан күнә жасаған жоқ.

Еврейлерге хат 4:15

Тәңір Ие көптеген адамдарды күнәдан құтқарып, Өзінің рухани балалары етіп құрметке бөледі; ал оларға құтқарылу жолын салған Мәсіхті азап шегуі арқылы кемелді Бастаушы етті. Бүкіл әлемді Өзі үшін жаратқан Құдайға осы лайық еді.

Еврейлерге хат 2:10

Құдайдың рухани Ұлы бола тұра, Мәсіх ауыр азаптар шеккен кезінде де Әкесіне мойынсұнуға үйренді.

Еврейлерге хат 5:8

Жаратушы Тәңір Ие құлағымды ашқанда мен қасарысып, кері бұрылған жоқпын. Арқамды ұрып-соққандарға тостым, сақалымды жұлғандарға екі жағымды ұсынып, бетімді балағат пен түкіріктен жаппадым.

Ишая 50:5–6

Яһудилер: — Қараңдар, Ол Елазарды қалай жақсы көрген! — деді.

Жохан 11:36

Себебі Мәсіх періштелердің емес, Ыбырайымның ұрпақтарының қамын ойлайды. Сондықтан Ол барлық жағынан бауырластарына ұқсас болуға тиіс еді. Осылай Мәсіх Құдайға қызмет ететін қайырымды да адал Бас діни қызметкер болып, өз жанын халқының күнәларының құнын өтеу үшін құрбандыққа қиды.

Еврейлерге хат 2:16–17

Киелі кітап үзінділері Daily Light on the Daily Path кітабынан (қоғамдық игілік).

Оқу параметрлері

Соңғы күндер

2015 ж. 10 нау.
Жаратылыстың баст. 22:14 · Жаратылыстың баст. 22:8
2015 ж. 9 нау.
Тімотеге 1-хат 6:17 · Заңды қайталау 8:11–12
2015 ж. 8 нау.
Ишая 38:17 · Миха 7:18–19
2015 ж. 7 нау.
Ишая 54:5 · Ефестікт. хат 5:32
2015 ж. 6 нау.
Нақыл сөздер 2:8 · Заңды қайталау 1:32–33
2015 ж. 5 нау.
Ишая 38:14 · Забур жырлары 123:1–2
2015 ж. 4 нау.
Қолостықт. хат 3:2 · Жоханның 1-хаты 2:15