2016 ж. 25 қараша, жұма

Күнтізбе

2016 ж. 25 қар.

Күнәнің үстемдігінен босағанда әділдіктің «құлы» болдыңдар.

Римдіктерге 6:18

Ешкім екі қожайынға бірдей қызмет ете алмайды. Өйткені ол біреуін екіншісінен артық көріп, соған бағышталады, ал екіншісіне немкетті қарайтын болады. Сол сияқты, сендер де Құдайға және байлыққа бірдей бағышталып қызмет ете алмайсыңдар!

Матай 6:24

Күнәнің құлы болып жүргенде сендер әділдіктің билігінде болмадыңдар. Сол кездегі өмір салттарыңнан қандай нәтижелер көрдіңдер? Олар қазір өздерің де ұялатын істер еді. Солардың ақыры — мәңгілік өлім! Енді сендер күнәнің үстемдігінен босатылып, Құдайдың қызметіне кірдіңдер. Бұның өнімі — Құдайға бағышталған қасиетті өмір. Ал түпкі нәтижесі — мәңгілік өмір.

Римдіктерге 6:20–22

Адамдардың Таурат заңын ұстануға ұмтылысын Мәсіх тоқтатты, енді Оның құрбандық өліміне сенетіндер ақталады.

Римдіктерге 10:4

Кім Маған қызмет еткісі келсе, сол Маған ерсін. Мен қайда болсам, қызметшім де сонда болады. Ал Маған қызмет етіп жүрген әркімді Әкем құрметтейді.

Жохан 12:26

Қамытымды бірге киісіп, үйреніңдер Өзімнен, Өйткені жуас, кішіпейілмін шын жүректен, Тыныштық табады сонда көңілдерің. Себебі ыңғайлы — қамытым Менің, Әрі жеңіл — жүктейтін міндеттерім».

Матай 11:29–30

О, Жаратқан Ие, өз Құдайымыз, Бізді билеп келді бөгде иелеріміз. Бірақ Сенің атыңды ғана құрметтейміз!

Ишая 26:13

Киелі кітап үзінділері Daily Light on the Daily Path кітабынан (қоғамдық игілік).

Оқу параметрлері

Соңғы күндер

2016 ж. 24 қар.
Лұқа 8:21 · Еврейлерге 2:11–12
Лұқа 8:21
2016 ж. 23 қар.
Нақыл сөздер 1:33 · Забур жырлары 90:1
Нақыл сөздер 1:33
2016 ж. 22 қар.
Яһуда 20 · Жохан 4:24
Яһуда 20
2016 ж. 21 қар.
Жохан 6:37 · Мысырдан шығу 22:27
Жохан 6:37
2016 ж. 20 қар.
Миха 7:8 · Ишая 43:2–3
Миха 7:8
2016 ж. 19 қар.
Матай 7:20 · Жохан 1 3:7
Матай 7:20
2016 ж. 18 қар.
Ишая 27:8 · Патшалықтар 2-ж. 24:14
Ишая 27:8