2013 ж. 14 наурыз, бейсенбі

Күнделікті нұр

ұрлық жасамай, әрдайым шын көңілмен адал болулары керек; осылайша Құтқарушымыз Құдайдың ілімін көркейтсін.

Титке хат 2:10

Қандай жағдай болмасын, тек Мәсіх жайлы Ізгі хабарға сай өмір сүріңдер! Мен келіп, сендерді көремін бе, я болмаса алыста жүремін бе, бәрібір — сендер туралы «бірдей ниетпен табанды тұрады, Ізгі хабарға деген сенімдері үшін бір кісідей жұмылып, жан аямай күреседі,

Філіпілікт. хат 1:27

Жамандықтың қай түрінен де аулақ жүріңдер!

Салониқал. 1-хат 5:22

Осылай қазіргі азғын да алдамшы ұрпақтың арасында еш кінәсіз таза, Құдайдың мінсіз рухани балалары болыңдар: қараңғы дүниеде жарық жұлдыздай жарқырап,

Філіпілікт. хат 2:15

Сол сияқты, сендердегі «нұр» адамдарға сәулесін төксін. Осылайша олар игі істеріңді көріп, көктегі Әкелеріңді мадақтап дәріптесін.

Матай 5:16

Мейірім мен шындықтан ешқашан безбе, Мойныңа байлап, жазып қойғандай жүрекке. Сонда ұнамды болып Құдай мен адамға, Ие боласың зор құрмет-абыройға.

Нақыл сөздер 3:3–4

Сонымен, бауырластарым, күллі шынайы да қастерлі, әділ де таза, ұнамды да тартымды нәрселер, яғни қандай да адамгершілік және мақтауға тұрарлық қасиет болмасын, солар туралы ойлана беріңдер!

Філіпілікт. хат 4:8

Шынайы өмір Беруші — Киелі Рух, ал тән бұған еш жарамайды. Сендерге айтқан сөздерім арқылы рухани өмірге ие бола аласыңдар.

Жохан 6:63

Ол шынайы хабары арқылы бізге мәңгілік өмір сыйлап, Өзінің жаңа жаратылысындағы тұңғыш рухани балалары болуымызды қалады.

Жақыптың хаты 1:18

Ол бізді жазылған заңдарға емес, Киелі Рухына негізделген Жаңа Келісімге сай қызмет етуге қабілетті қылды. Жазылған заңдар рухани өлім әкеледі, ал Киелі Рух шынайы өмір сыйлайды.

Қорынттықт. 2-хат 3:6

Күйеулер, Мәсіх қауымды қалай сүйсе, сендер де әйелдеріңді солай сүйіңдер: Мәсіх қауым үшін жанын қиды! Оны Құдай сөзімен тазартып, қайта туғызып, қасиетті қылды. Сонымен қауым күйеуіне апарылған қалыңдықтай салтанатты да сұлу, ешбір дақсыз, ақаусыз, басқа да кемшіліксіз, қасиетті де пәк таза болсын.

Ефестікт. хат 5:25–27

Киелі кітап үзінділері Daily Light on the Daily Path кітабынан (қоғамдық игілік).

Оқу параметрлері

Соңғы күндер

Барлығын көру

2013 ж. 13 нау.
Тімотеге 1-хат 2:5 · Еврейлерге хат 2:14
2013 ж. 12 нау.
Руларды санау 6:25–26 · Жохан 1:18
2013 ж. 11 нау.
Руларды санау 6:24 · Нақыл сөздер 10:22
2013 ж. 10 нау.
Жаратылыстың баст. 22:14 · Жаратылыстың баст. 22:8
2013 ж. 9 нау.
Тімотеге 1-хат 6:17 · Заңды қайталау 8:11–12
2013 ж. 8 нау.
Ишая 38:17 · Миха 7:18–19
2013 ж. 7 нау.
Ишая 54:5 · Ефестікт. хат 5:32