2014 ж. 5 қаңтар, жексенбі

Күнделікті нұр

Ал сенімімізді Мәсіхке артқан біздер уәде етілген тыныштықты иемденеміз. Рас, Тәңір Ие былай деген болатын: «Қаһарланып ант еттім сондықтан: Тыныштық сыйлау үшін Мен дайындаған елге кірмейді олар енді ешқашан!» Ал Тәңір Иенің өз жұмысы әлемді жаратып болған кезде-ақ тамамдалған еді ғой.

Еврейлерге хат 4:3

Олар бір-бірін алдап, ешқайсысы да шындықты айтпайды. Тілдері өтірік айтуға машықтанған, күнә жасауларымен-ақ өздерін шаршатады.

Еремия 9:5

бірақ бойымда басқа бір заңдылықтың да бар екенін байқаймын: ол ақыл-ойым қалайтын жақсылыққа қарсы шығып, мені бойымдағы күнәлі құмарлыққа кіріптар етеді. Сорлы басым-ай! Өлім әкелетін күнәлі тәнімнен мені кім құтқара алады?

Римдіктерге хат 7:23–24

Қиналып қатты шаршап-шалдыққандар, Еңселерін тым ауыр жүк басқандар, Менің қасыма келіңдер, бәрің, Жандарыңды Мен рақатқа бөлеймін!

Матай 11:28

Сонымен, Иеміз Иса Мәсіхке деген сеніміміз арқылы ақталғандықтан, Оның арқасында Құдаймен татумыз. Құдайдың осы рақымына бізге Иса Мәсіхтің арқасында, сенім арқылы жол ашылды. Енді Құдайдың рақымына бөленіп, салтанатты ұлылығын көреміз деген үмітімізге қатты шаттанамыз!

Римдіктерге хат 5:1–2

Құдайдың жарату жұмысын тамамдаған соң тынығып демалғанындай, Оның дайындап қойған шынайы тыныштығына ие болған әркім де өз бетімен еңбектенуін доғарып, тынығады.

Еврейлерге хат 4:10

Онымен тығыз байланыста тұруым үшін Таурат заңын орындауға негізделген жеке басымның ақталуына сүйенбеймін, қайта, Мәсіхке деген сенім арқылы Құдайдан ақталған адам болғым келеді.

Філіпілікт. хат 3:9

Ол осы халыққа былай деген: «Бұл — тыныш жер, шаршағандардың тынығып демалатын мекені. Осында тыныштықта боласыңдар». Бірақ бұлай да олар Мені тыңдаудан бас тартты!

Ишая 28:12

Рухым қажығанда Сен білесің жолымды, Ал маған байқатпай жауларым торлар құрды.

Забур жырлары 141:3

О, Исраил халқы, бұдан былай мәңгіге Шын жүректен сеніңдер Жаратқан Иеге!

Забур жырлары 130:3

Құдай өзендерді айналдырады шөлге, Ал бұлақтарды құрғатып құла түзге,

Забур жырлары 106:33

адамның аузынан енген нәрселер оны арамдай алмайды. Керісінше, аузынан шыққандары адамды арамдайды».

Матай 15:11

Арамза араздық туғызар, Өсекші достарды айырар.

Нақыл сөздер 16:28

Мылжың өз тілімен семсердей шағар, Дана өз тілімен жанның жарасын сауықтырар. Шыншылдың сөзі мәңгілік, Өтірікшінің сөзі бір-ақ сәттік.

Нақыл сөздер 12:18–19

Алайда адамдардың ешқайсысы да өз тілін бағындыра алмайды! Тіл — бағынуға көнбейтін жаман нәрсе, кісі өлтіретін уға толы.

Жақыптың хаты 3:8

Осылайша алғыс та, қарғыс та бір ауыздан шығады. Бауырластарым менің, бұлай болмасын!

Жақыптың хаты 3:10

Ал мына қылықтарды енді тастаңдар: ашу-ыза, кек сақтау, қаралау, бейпіл ауыздық; бір-біріңе өтірік те айтпаңдар! Себебі сендер ескі күнәкар болмыстарыңның іс-әрекетін тастап,

Қолостықт. хат 3:8–9

Құдай сендердің Өзіне бағышталып қасиетті өмір сүргендеріңді қалайды. Бұл азғындықтан аулақ жүрулеріңді де білдіреді:

Салониқал. 1-хат 4:3

ауыздарынан арам сөз шықпайтын, олар мінсіз.

Аян 14:5

Киелі кітап үзінділері Daily Light on the Daily Path кітабынан (қоғамдық игілік).

Оқу параметрлері

Соңғы күндер

Барлығын көру

2014 ж. 4 қаң.
Заңды қайталау 12:9 · Миха 2:10
2014 ж. 3 қаң.
Забур жырлары 107:7 · Заңды қайталау 32:10–12
2014 ж. 2 қаң.
Ишая 42:10 · Забур жырлары 81:1–2
2014 ж. 1 қаң.
Філіпілікт. хат 3:13–14 · Жохан 17:24
2013 ж. 31 жел.
Заңды қайталау 1:31 · Мысырдан шығу 19:4
2013 ж. 30 жел.
Қорынттықт. 1-хат 1:8 · Қолостықт. хат 1:21–23
2013 ж. 29 жел.
Ефестікт. хат 5:17 · Салониқал. 1-хат 4:3