2014 ж. 5 ақпан, сәрсенбі

Күнделікті нұр

Ұры ұрлап, сойып, құрту үшін келеді. Ал Мен адамдар шынайы өмірге ие болсын және өмірі рухани игілікке толы ағыл-тегіл мол болсын деп келдім.

Жохан 10:10

Бірақ жақсылық пен жамандықты танытатын ағаштың жемісін жеме! Себебі одан жесең, сол күні өлесің», — деді.

Жаратылыстың баст. 2:17

Әйел ағаштың жемісіне қарап, оның жеуге жақсы әрі көз тартарлық әдемі екенін және өзін ақылды етуге қызықтырып тұрғанын көрді. Содан ол ағаштың жемісінен алып жеді. Әйел қасындағы күйеуіне де берді, ол да жеді.

Жаратылыстың баст. 3:6

Күнәнің беретіні — (мәңгілік) өлім, ал Құдайдың беретін сыйы — Иеміз Иса Мәсіхпен тығыз байланыстағы мәңгілік өмір.

Римдіктерге хат 6:23

Күнә жасаған бір кісі — Адам ата арқылы өлім бүкіл адамзатқа билік жүргізіп келеді. Сол сияқты, Құдайдың шексіз рақымын және әділдіктің тегін сыйын қабылдағандар бір Кісі — Иса Мәсіх арқылы өмірде билік құрады.

Римдіктерге хат 5:17

Бір адам арқылы өлім дүниеге келді, сол сияқты бір Адам арқылы өлгендер қайта тіріледі: яғни Адам атамен байланыстағылардың бәрі өлуге тиіс болғанындай, Мәсіхпен байланыстағылардың бәрі де тіріледі.

Қорынттықт. 1-хат 15:21–22

Қазір Ол соны Құтқарушымыз Иса Мәсіхтің келуімен ашық көрсетті: Мәсіх өлімнің күшін жойып, Ізгі хабары арқылы шынайы, ешқашан өшпейтін өмірді жарыққа әкелді.

Тімотеге 2-хат 1:10

Бұл куәліктің мәнісі мынадай: Құдай бізге мәңгілік өмір сыйлады. Осы өмір Оның рухани Ұлында: Құдайдың рухани Ұлымен байланысы бар адам шынайы өмірге ие, ал Онымен байланысы жоқта шынайы өмір де жоқ.

Жоханның 1-хаты 5:11–12

Құдай Өзінің рухани Ұлын адамзатты соттауға емес, құтқаруға жіберді.

Жохан 3:17

Барлығымыз Мәсіхтің төрелік тағының алдында тұрып, әшкереленуге тиіспіз ғой. Сонда әрқайсымыз тәндік өміріміздегі іс-әрекетіміздің жақсы-жамандығына қарай лайықты бағамызды алатын боламыз.

Қорынттықт. 2-хат 5:10

Ал сондай істермен айналысатындарды Құдай әділдікпен соттайтынын білеміз.

Римдіктерге хат 2:2

— Құдай тағайындаған Билеуші қасиетті періштелерін ертіп ғаламат ұлылықпен көктен келген кезде Өзінің салтанатты тағына отыратын болады.

Матай 25:31

«қойларды» оң жағына, «серкелерді» сол жағына қояды.

Матай 25:33

Ал әділдер көктегі Әкелерінің Патшалығында күн сәулесіндей жарқырайтын болады. Құлағы барлар жақсылап тыңдап алсын!»

Матай 13:43

Құдайдың таңдап алғандарына кім айып таға алады? Құдайдың Өзі оларды ақтайды, ендеше кім үкім шығара алады? Мәсіх Иса біз үшін өлді, Ол қайта тірілді де. Содан Ол Құдайдың оң жағынан орын алып, бізді қолдауда.

Римдіктерге хат 8:33–34

Енді Иса Мәсіхпен тығыз байланыстағы адамдарға Құдай жазалау үкімін шығармайды. (Олар өздерінің ескі күнәкар болмысының емес, Құдайдың Киелі Рухының қалауына сай өмір сүреді.)

Римдіктерге хат 8:1

Ал бізге күнәкар дүниемен бірге қияметте үкім шығармас үшін Тәңір Иеміз бізді қазірдің өзінде тексеріп, жазалауда.

Қорынттықт. 1-хат 11:32

Киелі кітап үзінділері Daily Light on the Daily Path кітабынан (қоғамдық игілік).

Оқу параметрлері

Соңғы күндер

Барлығын көру

2014 ж. 4 ақп.
Заңды қайталау 17:16 · Еврейлерге хат 11:15–16
2014 ж. 3 ақп.
Хаққай 2:4 · Жохан 15:5
2014 ж. 2 ақп.
Шежірелер 1-ж. 4:10 · Лұқа 22:46
2014 ж. 1 ақп.
Петірдің 1-хаты 1:8 · Қорынттықт. 2-хат 5:7
2014 ж. 31 қаң.
Руларды санау 33:55 · Тімотеге 1-хат 6:12
2014 ж. 30 қаң.
Еврейлерге хат 12:1–2 · Лұқа 9:23
2014 ж. 29 қаң.
Жаратылыстың баст. 16:13 · Забур жырлары 139:1–4