Ал азғындық пен барлық арамдық немесе шектен тыс құмарлық, әулиелерге лайық болғандықтан, сендердің араларыңда аталмасын; және ұятсыздық пен ақымақ сөздер, немесе әзіл-қалжың, олар орынсыз; керісінше, шүкіршілік етіңдер. Өйткені сендер мұны жақсы білесіңдер, ешбір азғын, немесе арам адам, немесе шектен тыс құмарлыққа берілген, яғни пұтқа табынушы, Мәсіх пен Құдайдың Патшалығында мұраға ие болмайды. Ешкім сендерді бос сөздермен алдамасын, өйткені осы нәрселер үшін Құдайдың қаһары мойынсұнбаушылықтың ұлдарына келеді. (Ефестіктерге 5:3-6)
Ефестіктерге 5:3-6 тармақтарында біздің христиандық мінез-құлқымыз бен әңгімеміз туралы маңызды нұсқаулар бар. Құдай Сөзімен сөз ойнату – жеккөрінішті және күнәкар әдет. Дөрекі сөздер христианға мүлдем жараспайды. «Сөздерің әрдайым мейірімді, тұзбен дәмделген болсын» (Қолостықтарға 4:6).
Мақтаншақ тіл бар — оны тәкаппарлар қолданады.
Өтірікші тіл бар — оны шыншыл еместер қолданады.
Наразы тіл бар — оны қанағаттанбағандар қолданады.
Құрметсіз тіл бар — оны скептиктер қолданады.
Жеңіл сипаттағы ескертулер мен әңгімелер ақылды әлсіретіп, ар-ожданды былғайды. «Аузыма күзетші қой, Уа, Ием; ернімнің есігін сақта» деп Забур жыршысы дұға етті, және әрқайсымыз, жас та, кәрі де солай ете аламыз. Біз көретін, еститін және оқитын нәрселер жүрегімізде және жадымызда ешқашан толықтай өшпейтін әсер қалдырады.
Бос сөздер өсекке, ал өсек жанжалға әкеледі. О, абай болыңдар және тілдеріңді тежеңдер! Ағынды тексеріңдер. Егер ол сендердегі жаңа табиғаттың өнімі болса, онда оны өздігінен ағуға рұқсат етіңдер (Жақып 1:26). Кейбіреулердің ернінен шыққан сөздер қылыш сияқты жарақаттайды (Нақыл сөздер 12:18); басқалардың ернінен шыққан сөздер қуаныш пен денсаулық беретін бал сияқты (Нақыл сөздер 16:24).
У.С.
