Күнделікті нұр, 14 мамыр: Оны біз де бағалаған жоқпыз

Мәсіхтің азаптарына ортақтасып, Оның өз жанын мен үшін өлімге қиғанындай.

Філіпілікт. хат 3:10

Шәкірті ұстазына, қызметшісі қожайынына ұқсаса, соған қанағат тұтсын.

Матай 10:25

Оны адамдар менсінбей, жалғыз қалдырды. Ол ауыр азап көріп, көп қасірет шегіп, жұрт бетін бұрып әкететіндей жиренішті болды. Оны біз де бағалаған жоқпыз.

Ишая 53:3

Күнәкар дүниеде қысымшылық көресіңдер.

Жохан 16:33

Бірақ осы дүниелік емессіңдер, керісінше, Мен сендерді күнәкар дүниенің ішінен таңдап, айырып алдым. Сондықтан да ол сендерді жек көреді.

Жохан 15:19

Бекерге жұрттан аяныш күттім.

Забур жырлары 68:21

Алғашқы тергеліп, жауапталған кезімде қасымда жақтаған ешкім болмады, қайта.

Тімотеге 2-хат 4:16

Түлкінің іні бар, құстың ұясы бар, ал көктен келген Билеушінің бас тірейтін тұрағы да жоқ, — деп жауап берді.

Матай 8:20

Осы күнәкар дүниеде біз тұратын мәңгілік қала жоқ, қайта, көктегі келешек қаланы аңсап күтудеміз.

Еврейлерге хат 13:14

Тез шырмап алатын әрбір күнәдан арылып, алдымыздағы «жарысты» қажырлылықпен аяқтайық! Басқа жаққа мойын бұрмай, бар назарымызды Исаға аударайық! Бастапқыда сенім жолын салған Ол бізді сеніміміз арқылы Құдай белгілеген мақсатымызға жеткізеді де. Иса Өзін күтіп тұрған зор қуаныш үшін айқышқа шегеленудің қорлығын елемей, соған төзді. Бұдан кейін Ол Құдайдың тағының оң жағындағы құрметті орнына жайғасып отырды.

Еврейлерге хат 12:1–2

Бауырластарымыз «Тоқтының» өз жанын құрбан етіп Қанын төгуінің арқасында және өздерінің Ізгі хабарды қабылдап.

Аян 12:11

Құдайдың таңдап алғандарына кім айып таға алады? Құдайдың Өзі оларды ақтайды, ендеше кім үкім шығара алады? Мәсіх Иса біз үшін өлді.

Римдіктерге хат 8:33–34

Өйткені төгілген қан арқылы жанның құны өтеліп, оны арамданған күйінен тазартады.

Леуіліктер 17:11

Себебі Мен Жаратқан Иемін! Жағылған қан сендердің отырған үйлеріңді көрсететін белгі болады. Сонда қанды көріп, соқпай өтіп кетемін.

Мысырдан шығу 12:12–13

Енді Иса Мәсіхпен тығыз байланыстағы адамдарға Құдай жазалау үкімін шығармайды. (Олар өздерінің ескі күнәкар болмысының емес.

Римдіктерге хат 8:1

Ақ шапан киген мына адамдар кімдер, олар қайдан келді? — деген сұрақ қойды. ... Ол маған былай деп түсіндірді: — Бұлар — зор қудалану кезеңінен өткендер. Олар шапандарын Тоқтының төгілген қанымен «жуып» аппақ қылды.

Аян 7:13–14

Мәсіх бізді сүйіп, Өзін құрбан етіп қанын төгуімен күнәларымыздан тазартып арылтты, һәм бізді өз Құдайы және Әкесіне бағышталған қызметкерлердің патшалығы қылды. Оның салтанатты ұлылығы мен құдіреті мәңгілік бола бермек! Аумин.

Аян 1:5–6