Күнделікті нұр, 1 шілде: Жауларыңды жақсы көріңдер!

Ал Киелі Рух өмірлеріңде жетілдіретін игілікті «жеміс» мынадай ... кеңпейілділік.

Ғалаттықт. хат 5:22

Сонымен сүйікті рухани баласы ретінде Құдайдан үлгі алыңдар!

Ефестікт. хат 5:1

Ал Мен сендерге айтамын: жауларыңды жақсы көріңдер! Өздеріңді қудалағандар үшін Жаратқан Иеге мінажат етіңдер! Осылайша көктегі Әкелеріңнің рухани балалары боласыңдар: Ол жамандарға да, жақсыларға да күн сәулесін бірдей түсіріп, әділдерге де, әділетсіздерге де жаңбырды бірдей жауғызады.

Матай 5:44–45

Сонымен көктегі Әкелерің қандай қайырымды болса, сендер де сондай қайырымды болыңдар!

Лұқа 6:36

Ал нұрдағы өмірдің өнімі — нағыз игілік, әділдік, шындық.

Ефестікт. хат 5:9

Алайда Құтқарушы Құдайымыз Өзінің қайырымын және адамзатқа деген зор сүйіспеншілігін айқын көрсеткенде бізді құтқарды. Ол бізді жасаған әділ істерімізге бола емес, Өзінің мейіріміне бола күнәдан жуып тазартып, Киелі Рухы арқылы рухани қайта туғызып жаңартты. Құдай бізді Өзінің Киелі Рухына Құтқарушымыз Иса Мәсіхтің арқасында молынан кенелтті.

Титке хат 3:4–6

Жаратқан Ие барлығына ізгілікті, Бүкіл жаратылысына кең пейілді.

Забур жырлары 144:9

Ол Өзінің жалғыз рухани Ұлын аямай, Оны біз үшін өлімге қиды. Ендеше Онымен бірге бізге қажеттінің бәрін қалайша сыйламайды?

Римдіктерге хат 8:32

Осыған дейін Жаратқан Ие бізге көмектесіп келеді! — деп ризашылығын білдірді.

Патшалықтар 1-ж. 7:12

Мүшкіл халімнен Ол мені құтқарды.

Забур жырлары 114:6

Жаратқан Ие мақталсын әрқашан! Құлақ асты Ол даусыма жалынған. Ием — күш-қуатым, қалқандай қорғаным, Шын жүректен Оған сенім артамын. Ол мені қолдады, қатты қуанады жүрегім, Иеме ән салып Оны дәріптеймін.

Забур жырлары 27:6–7

Адам баласына сенім артқаннан гөрі Жаратқан Иені паналау сондай игі! Әмірші, әкімдерге сенім артқаннан гөрі Жаратқан Иені паналау сондай игі!

Забур жырлары 117:8–9

Жақып сиынған Құдай жар болған Және Құдай Иесіне үміт артқан Қандай бақытты болады әрбір жан!

Забур жырлары 145:5

Мекендей алатын қалаға оларды Тура жолмен жетелеп бастап барды.

Забур жырлары 106:7

Жаратқан Иенің Исраил халқына берген игілікті уәделерінің бірде-біреуі орындаусыз қалмай, барлығы да жүзеге асты.

Ешуа 21:45

Мен сендерді жолға ақша салатын қалта да, жолдорба да, артық аяқкиім де алғызбай жұмсап жібергенімде, бір нәрседен мұқтаждық көрдіңдер ме? — деген сұрақ қойды. Олар: — Жоқ, еш нәрседен мұқтаждық көрген жоқпыз, — деп жауап қайтарды.

Лұқа 22:35

Өйткені Өзің менің қолдаушымсың, «Қанатыңның аясында» шаттанамын.

Забур жырлары 62:8