Күнделікті нұр, 1 желтоқсан: Әкем Екеуіміз біртұтаспыз

Әрқайсысы желден қорғайтын панадай, дауылдан бас сауғалайтын қорғаныштай болмақ.

Ишая 32:2

Тәңір Иенің рухани балалары ет пен сүйектен жаралғандықтан, Иса да ет пен сүйектен тұратын тәнді қабылдады.

Еврейлерге хат 2:14

Қарсы шық! — дейді Әлемнің Иесі.

Зәкәрия 13:7

Әкем Екеуіміз біртұтаспыз.

Жохан 10:30

Алла Тағаланың панасында тұрған адам Құдіреттінің саясынан табады тыным.

Забур жырлары 90:1

Оны күндізгі қапырықтан тасалап, дауыл мен жауыннан да қорғайтын болады.

Ишая 4:6

Жаратқан Ие, Қасыңда Ол саяң болып жүреді, Күндіз күннің, түнде айдың Тимесін деп сәулелері.

Забур жырлары 120:5–6

Өзіңе сиынамын жердің шетінен, Шыға алмас шыңға мені шығаршы Сен.

Забур жырлары 60:3

Сен баспанамсың пәледен сақтайтын.

Забур жырлары 31:7

Ал жарлылар Өзіңнен баспана табады, Апатта мұқтаждар қасыңда қорғанады, Оларға қорғаныш боласың дауылдан Әрі ыңғайлы көлеңке боп ыстықтан. Жауыздардың кәрлі лебі қабырғаны Соққылаған боран.

Ишая 25:4

Біліп алыңдар: Мен жаңа аспан мен жаңа жерді жаратпақпын.

Ишая 65:17

Мен жарататын жаңа аспан мен жаңа жердің көз алдымда мәңгі жойылмайтынындай, сендердің есімдерің де өшпейді, үрім-бұтақтарың да мәңгі көз алдымда болады, — деп уәде береді Жаратқан Ие.

Ишая 66:22

Ал біз Құдайдың уәдесіне сай әділдік орнаған жаңа аспан мен жаңа жердің пайда болуын күтудеміз.

Петірдің 2-хаты 3:13

Содан соң жаңа көк пен жаңа жерді көрдім. Себебі бұрынғы көк пен жер құрып кетіп, бұдан былай теңіз де болмады. Сонда мен көктен, Құдайдың қасынан түскен қасиетті қаланы: жаңа Иерусалимді байқадым. Ол күйеуінің алдынан шығуға безеніп киінген қалыңдықтай дайындалған еді. Көктегі тақтан былай деген зор дауысты естідім: «Қараңдар, Құдайдың адамдар арасындағы тұрағы! Ол солармен бірге тұрып, олар Оның халқы болмақ. Осылай Құдайдың Өзі солармен бірге мекендеп, олардың Құдайы болады! Ол барлық көз жастарын сүртіп тастап жұбатады. Енді қайтып өлім, жоқтау, зар еңіреу мен ауру болмайды. Себебі бұрынғы әлем құрып, жоқ болды». Сонда тақта Отырған: — Енді бәрін де жаңадан жаратамын, — деді. Ал маған қарап: — Мұны жазып қой, бұл сөздер сенуге тұрарлық шынайы!

Аян 21:1–5