Күнделікті нұр, 1 тамыз: Оған сенушілер қияметте сотталмайды

Себебі Құдайдың рақымымен, Мәсіхке деген сенімдерің арқылы құтқарылдыңдар. Бұл — өздеріңнің жетістіктерің емес, Құдайдан келген сый.

Ефестікт. хат 2:8

Ал сенім артпай Құдайға ұнау мүмкін емес.

Еврейлерге хат 11:6

Оған сенушілер қияметте сотталмайды. Ал Құдайдың жалғыз рухани Ұлына сенбейтіндер әлдеқашан сотталған.

Жохан 3:18

Сенімім жетіспегенде оны нығайта көріңіз! — деп дауыстап жіберді.

Марқа 9:24

Құдайға деген сүйіспеншілік Оның сөзін орындаған кісіде шын мәнінде толық болып, мақсатына жетті. Құдаймен тығыз байланыста екенімізді мынаған қарап білеміз.

Жоханның 1-хаты 2:5

Сүйіспеншілікпен әрекет жасайтын сенім.

Ғалаттықт. хат 5:6

Игі іс-әрекетсіз сенімнің пайдасыз екенін ұқпайсың ба?

Жақыптың хаты 2:20

Ал біз көргенімізбен емес, сенімімізбен өмір сүреміз.

Қорынттықт. 2-хат 5:7

Сондықтан өзім бұдан былай өмір сүріп жатқаным жоқ, қайта, бойымда Мәсіх өмір сүруде. Ендігі тәндік өмірім — Құдайдың рухани Ұлына деген сенімімнің арқасындағы өмір. Ол мені сүйгендіктен, Өзін мен үшін құрбан етті!

Ғалаттықт. хат 2:20

Мәсіхті өз көздеріңмен көрмеген болсаңдар да, Оны сүйесіңдер. Қазір де көре алмағанмен, Оған сенесіңдер. Сондықтан сендер сөзбен суреттеуге болмайтын ұлы да керемет қуанышпен шаттанып тұрсыңдар. Ақыр соңында сенімдеріңнің нәтижесін: жандарыңның толықтай құтқарылуын қабылдамақсыңдар.

Петірдің 1-хаты 1:8–9

Иеміздің жанашырлығы мен қайырымдылығы қандай зор!

Жақыптың хаты 5:11

Әкенің сәбиіне жаны ашығаны іспетті, Жаратқан Иеміз де Өзін қастерлегендерге Дәл сондай мейірім мен жанашырлық көрсетеді.

Забур жырлары 102:13

Иеміз шапағатты да қайырымды ... Келісімін ұдайы есінде сақтайды.

Забур жырлары 110:4–5

Ұйықтамайды Қорғаушың, Исраилді Қолдап-қорғаушы Қалғымайды да ұйықтамайды.

Забур жырлары 120:3–4

Бүркіттей ұясын күзетіп тұрған, Балапандары үстінен қалықтаған, Олар үшін қанаттарын кең жайған, Қауырсын қанатымен тасыған. Жаратқанның жалғыз Өзі халқын бастады, Қасында ешқандай бөгде тәңір болмады.

Заңды қайталау 32:11–12

Өйткені рақымы Оның сарқылмас дәйім, Жаңара береді ол таң атқан сайын. Уа, Ием, сондай зор Сенің адалдығың!

Жоқтау 3:22–23

Иса қайықтан түскенде, қарақұрым халықты көрді. Оларға жаны ашып, араларындағы ауру адамдарды сауықтырды.

Матай 14:14

Қазір және болашақта мәңгілік Өзі болып қала береді.

Еврейлерге хат 13:8

Тіпті бастарыңдағы шаштарыңның саны да Оған белгілі! Екі торғайды бір теңгеге сатпай ма? Дегенмен көктегі Әкелеріңнің еркінсіз бірде-бір торғай жерге құлап түспейді. Сондықтан адамдардан қорықпаңдар.

Матай 10:30, 29, 31