Күнделікті нұр, 3 ақпан: Дегенмен енді нығайып батыл бол

Дегенмен енді нығайып батыл бол ... Мен сендермен бірге жүріп жар боламын! — Әлемнің Иесі осы уәдені береді.

Хаққай 2:4

Мен «бұтамын», ал сендер «сабақтарымсыңдар». Менімен тығыз байланыстағылармен Өзім де тығыз байланыста тұрамын, сонда олар мол өнім бермек. Ал Менен бөлініп сендер ешбір игілік істей алмайсыңдар.

Жохан 15:5

Себебі маған күш-қуат беретін Мәсіхпен бірге болсам, бәріне де төзе аламын.

Філіпілікт. хат 4:13

Иемізбен тығыз байланыста жүріп, Оның құдіретінен қуат алып, нығая беріңдер!

Ефестікт. хат 6:10

Паналарың болады! — деп қосты.

Нехемия 8:10

Әлемнің Иесі Жаратқан Ие мынаны да айтады: «Басталған істі бітіру үшін қолдарыңның күшін нығайтыңдар! Осы сөздерді бүгін пайғамбарлардың аузынан естіп отырсыңдар.

Зәкәрия 8:9

Сонымен салдырап, дәрменсіз қалған аяқ-қолдарыңның буындарын бекітіп, еңселеріңді көтеріңдер! Жүрексінген адамдарыңа былай деңдер: Қорықпай, берік болыңдар! Біліп қойыңдар.

Ишая 35:3–4

Жаратқан Ие Гедеонға бұрылып: — Сен бар да, осы құдіретіңмен Исраилді мадияндықтардың қолынан құтқарып ал!

Билер 6:14

Бізге кім қарсы шыға алады?!

Римдіктерге хат 8:31

Сонымен, Құдайдың рақымымен осы қызметке ие болған біз еш мойымаймыз.

Қорынттықт. 2-хат 4:1

Жақсылық жасаудан талмайық! Себебі бұдан шаршап, бас тартпасақ, тиісті уақытта оның игілікті өнімін Құдайдан қабылдайтын боламыз.

Ғалаттықт. хат 6:9

Құдайға шүкірлік етейік! Ол бізге Иеміз Иса Мәсіх арқылы жеңісті сыйлайды.

Қорынттықт. 1-хат 15:57

Десем де, түнек жасырмайды Сенен.

Забур жырлары 138:12

Тәңір әрқашан да пенденің істеріне назар аударады. Оның басқан әрбір қадамын Ол көріп отырады. Зұлымдық істеушілер бас сауғалап құтыла алатындай қараңғылық та, қара түнек те болмайды.

Әйүп 34:21–22

Әлде адам құпия жерге тығылып, Менің көзімнен тасалана алады деп ойлайсыңдар ма? Аспан мен жердің барлық жерінде Мен бармын, солай емес пе? — деп ескертеді Иеміз.

Еремия 23:24

Түнде сен қара түнек қорқынышынан, Күндіз де қорықпайсың жау оғынан, Сескенбейсің түнгі індет-аурудан ... Сен Жаратқанға сенім артып келесің, Алла Тағаланы панаң етесің, Басыңа енді жамандық түспейді, Үйіңе ешбір апат та төнбейді.

Забур жырлары 90:5–6, 9–10

Ұйықтамайды Қорғаушың, Қорғаушың — Жаратқан Ие, Қасыңда Ол саяң болып жүреді, Күндіз күннің, түнде айдың Тимесін деп сәулелері. Жамандықтың барлығынан Жаратқан Ие сені сақтайды.

Забур жырлары 120:3, 5–7

Қап-қараңғы шатқалда жүрсем де мен, Қорықпаймын ешбір қауіп-қатерден, Себебі Өзің менің қасымдасың.

Забур жырлары 22:4