Күнделікті нұр, 14 қараша: Қолдаушым да құтқарушым Өзіңсің

Қолдаушым да құтқарушым Өзіңсің, Кешіге көрмеші, о, Құдайым менің.

Забур жырлары 39:18

Әділдің қадамын Жаратқан нығайтады, Жүрген өмір жолын Ол ұнатады, Сүрінсе әділ жан, біржола құламайды, Жаратқан оны қолынан демеп қолдайды.

Забур жырлары 36:23–24

Жаратқанды шын қастерлеу — берік сүйеніш, Әрі келер ұрпақ та бас сауғалар қорғаныш.

Нақыл сөздер 14:26

Мен Өзім сені жұбатып, сүйенішің боламын. Қалай сен ажалды пендеден шошынып, адам баласынан қорқасың? Ол солып қалатын шөп секілді өткінші емес пе? Ал өзіңді жаратқан Мені, Жасаған Иені.

Ишая 51:12–13

Өзіңді аман сақтаймын. Мен, Жаратқан Ие.

Еремия 1:8

Қайратты да батыл болыңдар, жауларыңнан еш үрейленіп қорықпаңдар! Себебі Құдайларың Жаратқан Ие сендермен бірге жүріп жар болады. Ол сендерді ешқашан тастап та кетпейді, жалғыз да қалдырмайды.

Заңды қайталау 31:6

Ал Сен пәлеге ұшырағанымда Маған болдың қорған және баспана, Сондықтан әнге салып құдіретіңді, Таңертеңнен паш етем мейіріміңді.

Забур жырлары 58:17

Сен баспанамсың пәледен сақтайтын, Құтқарылғаныма қуана ән шырқаймын.

Забур жырлары 31:7

Иордан бойындағы сыңсыған ну тоғайда сенімен не болмақ?!

Еремия 12:5

Бүкіл Исраил халқы өзеннің құрғап қалған арнасымен арғы жаққа өтіп болғанша, Жаратқан Иенің Келісім сандығын көтеріп жүрген діни қызметкерлер Иордан өзенінің ортасындағы құрғақ жерде қозғалмастан тұра берді.

Ешуа 3:17

Бірақ Исаның азапты өлім шеккені үшін Патша ретінде ғаламат салтанат пен құрметке бөленгенін көреміз. Ол біраз уақыт періштелерден төмен болып, Құдайдың рақымының арқасында күллі адамзат үшін жанын қиды.

Еврейлерге хат 2:9

Қап-қараңғы шатқалда жүрсем де мен, Қорықпаймын ешбір қауіп-қатерден, Себебі Өзің менің қасымдасың, Жігер береді сойылың мен таяғың.

Забур жырлары 22:4

Судан өткен кезіңде саған жар боламын, өзендерден өткенде батып кетпейсің.

Ишая 43:2

Қорықпа! Мен Алғашқымын да Соңғымын әрі Мәңгі Тірімін. Мен өлген едім, ал енді мәңгілік өмір сүремін. Өлімнің де, о дүниенің де кілттері Менде.

Аян 1:17–18