2013 ж. 21 қаңтар, дүйсенбі

Күнделікті нұр

Маған ілінген, бірақ рухани жеміс бермейтін әр «сабақты» Әкем кесіп тастайды, ал өнім беретіндерін молырақ берсін деп тазартады.

Жохан 15:2

Бірақ Оның келетін сол күніне кім төзе алады? Ол келіп, ашық көрінген күні кім берік тұра алатын болады? Себебі Ол күмісті балқытып тазалайтын зергердің оты әрі мата ағартушының сілтісі сияқты әрекет етпек. Сонда Ол күмісті балқытып, қоқысынан айырып тазартатын зергер іспетті леуіліктерді алтын-күмістей тазартып, зұлымдық атаулыдан арылтады. Содан кейін олар қайтадан Жаратқан Иеге арнап таза сый-тартулар ұсына алады.

Малахи 3:2–3

Иә, тіпті азап шегіп жүрсек те, шаттана аламыз. Себебі азаптың бізге шыдамды болуды үйренуге көмектесетінін білеміз. Шыдамдылықтан сенімділік туады, ал сенімділік бізге үміт береді. Бұл үміт алдамшы қиял емес, өйткені бізге сыйлаған Киелі Рухы арқылы Құдай жүрегімізді Өзінің сүйіспеншілігіне кенелтті.

Римдіктерге хат 5:3–5

Көріп жатқан азаптарыңа тәрбие ретінде шыдаңдар. Құдай сендерге рухани баласына қарағандай қарайды. Әкесі түзетпейтін бала бола ма? Барлық сенушілер де соны бастарынан өткізеді. Егер сендер осылай тәрбиеленбесеңдер, онда Оның шынайы рухани балалары болмағандарың.

Еврейлерге хат 12:7–8

Кезінде әрбір жаза қуаныш емес, реніш туғызады. Ал соны басынан өткізіп тәрбиеленгенге ол кейінірек әділдік пен тыныштықтың игілікті жемісін береді. Сонымен салдырап, дәрменсіз қалған аяқ-қолдарыңның буындарын бекітіп, еңселеріңді көтеріңдер!

Еврейлерге хат 12:11–12

Қайта, бұдан былай өркөкіректерді жарылқанған деп есептейміз. Расында зұлымдықпен шұғылданушылар табысқа кенеліп, Құдайды еркінсіп сынап келгендер аман-есен жүр ғой!» дейсіңдер.

Малахи 3:15

Себебі Киелі Құдай деп аталған, мәңгі тірі дәріптелген Алла Тағала мынаны да айтады: «Мен көктегі киелі мекенімде тұрамын. Сондай-ақ күйреп, күнәсіне шын көңілден өкінген кішіпейіл жанның қасында да боламын. Оны қайтадан рухтандырып, жаралы жүрегін сауықтырамын.

Ишая 57:15

Асқақпен олжа бөліскенше, Кедеймен кішіпейіл болған артық.

Нақыл сөздер 16:19

— Құдай алдында құр алақан тұрғандар бақытты: Құдайдың Патшалығы сондайларға арналған!

Матай 5:3

Жаратқан Ие мына алтауды жақтырмайды, Тіпті жетеуді жаны мүлдем жаратпайды: Тәкаппар көз бен өтірікші тіл, Һәм жазықсыз қан төгетін қол,

Нақыл сөздер 6:16–17

Жаратқан Иеге жексұрын — жүрегі паңдар, Шүбә жоқ, жазасыз қалмайды олар.

Нақыл сөздер 16:5

сендерге Құдай Әкеміз бен Иеміз Иса Мәсіх рақымын жаудырып, тыныштық сыйлай көрсін! Сендерді еске алған сайын Құдайға ризашылық білдіріп,

Філіпілікт. хат 1:2–3

Кішіпейіл жандар бақытты: олар жерді иемденетін болады!

Матай 5:5

Киелі кітап үзінділері Daily Light on the Daily Path кітабынан (қоғамдық игілік).

Оқу параметрлері

Соңғы күндер

Барлығын көру

2013 ж. 20 қаң.
Ишая 9:6 · Жохан 1:14
2013 ж. 19 қаң.
Елшіл. істері 20:19 · Матай 20:26–28
2013 ж. 18 қаң.
Римдіктерге хат 5:14 · Еврейлерге хат 2:9
2013 ж. 17 қаң.
Ишая 38:17 · Жоханның 1-хаты 4:9–10
2013 ж. 16 қаң.
Қолостықт. хат 1:19 · Жохан 3:35
2013 ж. 15 қаң.
Забур жырлары 119:25 · Қолостықт. хат 3:1–3
2013 ж. 14 қаң.
Жохан 14:28 · Лұқа 11:2