2014 ж. 6 қазан, дүйсенбі

Күнделікті нұр

2014 ж. 6 қаз.

Содан кейін мен жиналған көптеген халықтың зор дауыстарын тағы да естідім. Олар сарқырап аласұрған судың гүрілі мен қатты күн күркіріне ұқсап, былай деп айқайлады: «Жаратқан Иені мадақтаңдар! Себебі біздің Құдайымыз — Жаратқан Ие, бүкіл әлемнің Билеушісі Патшалық құруда.

Аян 19:6

— Сенің барлық нәрсені де істей алатыныңды енді білдім. Ешбір ниетіңді тоқтату мүмкін емес.

Әйүп 42:2

Иса: — Адамның қолынан келмейтін нәрселер Құдайдың қолынан келеді, — деп жауап берді.

Лұқа 18:27

мәңгі Сол болып келемін! Менің қолымнан құтқара алатын ешкім жоқ. Менің істегендерімді кім бұрынғы қалпына келтіре алады?!»

Ишая 43:13

«О, Абба, Әкем! Сенің қолыңнан бәрі де келеді. (Қаһарыңа толы) осы «тостағанды» Маған жолатпай алып кете гөр. Бірақ Менің емес, Сенің еркің болсын!» — деп мінажат етті.

Марқа 14:36

Иса үйге кіргеннен кейін сол екі зағип Оның қасына келді. Иса: — Менің солай істей алатыныма сенесіңдер ме? — деген сұрақ қойды. Олар: — Иә, Тақсыр, сенеміз, — деп жауап берді. Сонда Иса: — Сенімдеріңе сай болсын! — деп, көздеріне саусағын тигізді.

Матай 9:28–29

Сонда алапеспен ауырған біреу Исаның алдына келді де, тізе бүгіп тағзым етіп: — Мырза, егер қаласаңыз, мені құлантаза сауықтыра аласыз, — деп өтінді. Иса қолын созып, денесіне тигізді де: — Қалаймын, құлантаза сауығып кет! — деді. Сол сәтте-ақ ауру адам алапесінен арылып, тазарды.

Матай 8:2–3

Себебі Сәби дүниеге келді, Біз үшін осы Ұл сыйға берілді! Билік Оның қолында қала береді: Ол «керемет ақылды Кеңесші, Құдіретті Құдай, Мәңгілік Әке, Тыныштықты сыйлайтын Әмірші» Деп те аталатын болады.

Ишая 9:6

Иса қастарына таяу келіп, былай деді: «Маған көк пен жердің бүкіл билігі берілген!

Матай 28:18

Сен патшаны мәңгілік жарылқадың, Қасыңда болу қуанышын сыйладың.

Забур жырлары 20:7

«Қайратты да батыл болыңдар! Ассур патшасынан және оның ертіп алып келе жатқан қалың тобырынан абыржып қорықпаңдар! Бәрінен де құдіретті күш оның емес, біздің жақта!

Шежірелер 2-ж. 32:7

Киелі кітап үзінділері Daily Light on the Daily Path кітабынан (қоғамдық игілік).

Оқу параметрлері

Соңғы күндер

2014 ж. 5 қаз.
Забур жырлары 50:15 · Забур жырлары 42:11
2014 ж. 4 қаз.
Мысырдан шығу 34:29 · Забур жырлары 115:1
2014 ж. 3 қаз.
Аян 1:5 · Таңдаулы ән 8:7
2014 ж. 2 қаз.
Леуіліктер 16:22 · Забур жырлары 103:12
2014 ж. 1 қаз.
Ғалаттықт. хат 5:22–23 · Қорынттықт. 1-хат 9:25–27
2014 ж. 30 қыр.
Әйүп 23:10 · Забур жырлары 103:14
2014 ж. 29 қыр.
Жоханның 1-хаты 3:16 · Ефестікт. хат 3:19