2015 ж. 9 сәуір, бейсенбі

Күнделікті нұр

2015 ж. 9 сәу.

Ал енді, Жақыптың үрім-бұтағы, Исраил халқы, сені жаратып қалыптастырған Тәңір Ие мынаны айтады: «Қорықпа, Мен сені құныңды төлеп құтқарып алдым. Сені өз атыңмен шақырдым: Сен Мендіксің!

Ишая 43:1

Халқым, қорықпа, енді қайтып ұятқа қалмайсың, қысылма, сен масқара болмайсың. Жас кезіңдегі ұятқа қалған жайтты ұмытып, жесірлік қасіретіңді де есіңе алмайсың. Өйткені өзіңді жаратқан Тәңір саған жар! Ол сені құтқарып алған Қамқоршың, Әлемнің Иесі және Исраилдің Киелі Құдайы деп те аталады. Бүкіл жер бетінің Құдайы деген атағы да бар.

Ишая 54:4–5

Әділетсіз істеріңді тұмандай сейілттім, Күнәларыңды жел айдаған бұлттай жоқ еттім, Енді теріс жолыңнан қайтып, бет бұр Өзіме! Мен қамқоршың болып құтқарып, кешірдім!»

Ишая 44:22

Құдайдың мінсіз де мүлтіксіз «Тоқтысы» — Мәсіхтің Өзі құрбан болып, баға жетпес қанын төгуімен құтқарылуларыңның құнын төледі.

Петірдің 1-хаты 1:19

Бірақ сол екі халықтың құтқарушы Қамқоршылары күшті. Оның есімі: «Әлемнің Иесі». Ол солардың мүдделерін қайсарлықпен қорғайды. Осылай Ол елдеріне тыныштық сыйлайды, ал Бабылдың тұрғындарына зобалаң жібереді.

Еремия 50:34

Оларды Маған берген Әкем бәрінен де ұлы. Ешкім соларды Әкемнің қолынан да тартып ала алмайды.

Жохан 10:29

Сендерге Құдай Әкеміз бен Иеміз Иса Мәсіх рақымын жаудырып, тыныштық сыйлай берсін! Иса Мәсіх бізді қазіргі зұлым дүниенің құлдығынан құтқару үшін Құдай Әкеміздің еркі бойынша күнәларымыздың құнын өтеп жанын құрбан етті. Құдайдың ұлылығы мәңгі мадақтала берсін! Аумин.

Ғалаттықт. хат 1:3–5

Киелі кітап үзінділері Daily Light on the Daily Path кітабынан (қоғамдық игілік).

Оқу параметрлері

Соңғы күндер

2015 ж. 8 сәу.
Қорынттықт. 1-хат 1:5 · Римдіктерге хат 5:6
2015 ж. 7 сәу.
Қорынттықт. 2-хат 6:10 · Римдіктерге хат 5:2–3
2015 ж. 6 сәу.
Еврейлерге хат 7:25 · Римдіктерге хат 8:34
2015 ж. 5 сәу.
Жаратылыстың баст. 32:26 · Ишая 27:5
2015 ж. 4 сәу.
Аян 1:17 · Еврейлерге хат 12:18
2015 ж. 3 сәу.
Петірдің 2-хаты 3:8–9 · Ишая 55:8–11
2015 ж. 2 сәу.
Жоханның 1-хаты 5:21 · Қорынттықт. 2-хат 6:17–18