2015 ж. 30 тамыз, жексенбі

Күнделікті нұр

2015 ж. 30 там.

Исраилдіктер мұны көргенде оның не екенін білмей, бір-бірінен: «Ман һу?» яғни «Бұл не?» — деп сұрасты. Мұса оларға түсіндіріп: «Бұл — Жаратқан Иенің сендерге жеуге берген наны.

Мысырдан шығу 16:15

Себебі көктен түсіп, адамзатқа өмір Беруші — «Құдайдың наны», — деп жауап қайтарды.

Жохан 6:33

Ата-бабаларың айдалада тәтті нанды жесе де, ақырында өлді.

Жохан 6:49

Көктен түскен «тірі нан» Менмін. Одан «жеген» әркім мәңгілік өмірге ие болады. Бұл «нан» — Менің денем, оны адамзат шынайы өмірге ие болсын деп құрбан етемін.

Жохан 6:51

Себебі денем — шынайы рухани «нәр», ал қаным — шынайы рухани «сусын».

Жохан 6:55

Исраилдіктер солай істеп, біреуі көп, біреуі аз жинады. Ал тегешпен өлшеген кезде көп жинаған кісіден артылған жоқ, аз жинаған мұқтаж да болған жоқ. Әркім өзінің жеуіне қажетінше жинапты.

Мысырдан шығу 16:17–18

Күн сайын таң ата әркім өзінің жегенінше жинап алатын болды. Күн қызған кезде қабыршықтар еріп кетіп отырды.

Мысырдан шығу 16:21

Сондықтан не ішіп-жейміз, не киеміз деп уайымдамаңдар! Тәңірге мойынсұнбайтындар барлық сондай нәрселерге ие болуға тынымсыз ұмтылуда. Ал бұлардың бәрінің сендерге қажет екенін көктегі Әкелерің біледі ғой. Ең бастысы, Құдайдың Патшалығының қамын ойлап, Құдайдың әділ еркін орындауға ұмтылыңдар! Сонда көктегі Әкелерің сендерге бұлардың бәрін қосып береді.

Матай 6:31–33

Киелі кітап үзінділері Daily Light on the Daily Path кітабынан (қоғамдық игілік).

Оқу параметрлері

Соңғы күндер

2015 ж. 29 там.
Нақыл сөздер 16:20 · Римдіктерге хат 4:20–21
Нақыл сөздер 16:20
2015 ж. 28 там.
Аян 12:10 · Аян 12:11
Аян 12:10
2015 ж. 27 там.
Забур жырлары 119:105 · Забур жырлары 17:4–5
Забур жырлары 119:105
2015 ж. 26 там.
Мысырдан шығу 28:36 · Еврейлерге хат 12:14
Мысырдан шығу 28:36
2015 ж. 25 там.
Ишая 51:1 · Забур жырлары 51:5
Ишая 51:1
2015 ж. 24 там.
Мысырдан шығу 3:7 · Ишая 53:3
Мысырдан шығу 3:7
2015 ж. 23 там.
Еремия 31:3 · Салониқал. 2-хат 2:13–14
Еремия 31:3