«Мен жүзім сабағымын, сендер бұтақтарсыңдар. Кім Менде тұрақтаса, Мен де оның бойында тұрақтасам, сол көп жеміс береді, өйткені Менсіз ештеңе істей алмайсыңдар» (Жохан 15:5). Кейбіреулер Құдайдың жоғары талаптарына сай болу үшін Иеміз үшін үнемі еңбек етуіміз керек деп ойлайды. Иса біздің Онымен қарым-қатынасымыз қандай болуы керектігін анық көрсетті. Ол – жүзім сабағы, біздің өміріміздің қайнар көзі. Біз – бұтақтар, жеміс беретін жер. Біз Мәсіхтен өмір алғанда, табиғи, сөзсіз нәтиже – біздің өмірімізде жеміс беріледі.
Иеміз үшін «нәтиже» беруге деген ынтамызда, кейде жеміс өндіруге соншалықты беріліп кетеміз, Мәсіхте тұрақтауды ұмытып кетеміз. Біз «тұрақтау» онша өнімді емес немесе ол жеміс өндіруімізден тым көп уақыт алады деп ойлауымыз мүмкін. Алайда Иса жеміс беретін біздің әрекетіміз емес, Онымен болған қарым-қатынасымыз екенін айтты.
Иса шәкірттеріне маңызды ескерту жасады. Ол егер олар Онымен тығыз қарым-қатынассыз христиандық өмірлерін сүруге тырысса, олар ешқандай маңызды нәтиже бермейтінін білетінін ескертті. Олар Құдай Патшалығы үшін үлкен күш салуы мүмкін, бірақ өмірлерінің есебін бергенде, олар тек құрғақтықты табады. Иса жасаған ең драмалық әрекеттердің бірі – жеміс бермеген інжір ағашын қарғау болды (Марқа 11:14). Сіз тұрақтауда ыңғайлысыз ба, әлде әрекетке кірісуге шыдамсыз ба? Егер сіз Исамен қарым-қатынаста берік тұрақтасаңыз, үлкен өнім табиғи жанама өнім болады.
