Uplook– 2014 жылғы сәуір —Grace & Truth журналы
Қайта тірілген Иеміз Мәриям Магдалинаға көрінеді
Мәриям сүйген Иесінің ашық қабіріне қарау үшін еңкейіпішіне қарады да, Оның денесі жатқан жердің бас жағында және аяқ жағында ақ киім киген екі періштені көрді (Жох. 20:11-12). Бірақ ол мұндай таңғажайып көрініске таңғалмады, өйткені ол Иесін жоғалтқаны үшін айтып жеткізгісіз қайғыға батып отырған еді. Олардың: «Әйел, неге жылап тұрсың?» деген сұрағына ол: «Менің Иемді алып кетті, Оны қайда қойғанын білмеймін», – деп жауап берді (13-тармақNKJV ).
Мәриям қайғырып, періштелерден теріс айналғанда, оның қайғысы мен жүрегінің берілгендігі Иені жақындатты, бірақ ол Оны танымады. Ол Иесін қайта тірілуде тануға дайын емес еді және қайғысынан тіпті Одан да теріс айналды! Бірақ Оның ернінен шыққан бір сөз бәрін өзгертті: «Мәриям». Ол Өзінің қойларын атымен атайды, және олар Оның дауысын таниды. Қайта бұрылып, ол: «Раббони», яғни «менің ұлы Ұстазым» деді. Оның қайта тірілуінің ғажайып кереметі оның ойына да келмеді – ол тек сүйген Оны ғана ойлады, енді Ол оның көз алдында тұрды.
Ол оған айтты:«Маған жабыспа, өйткені Мен әлі Әкеме көтерілген жоқпын». Оның өлімі жердегі қарым-қатынасты ысырып тастады, бірақ Ол оған «Менің бауырларым» деп атағандармен жаңа қарым-қатынасты жариялады. Ол «Менің Әкеме және сендердің Әкелеріңе, және Менің Құдайыма және сендердің Құдайларыңа» көтерілуі керек еді (17-тармақ), өйткені қайта тірілуде Ол Құдайдың баталы Ұлын танитындардың бәріне Әке болатын жаңа жаратылыстың Басы. Бұл рухани және аспандық қарым-қатынас, бірақ Ол «біздің Әкеміз» деп айтпады, өйткені Оның ерекше Ұлдығы әрқашан бірінші орында және барлық басқалардан бөлек орында болуы керек. «Менің Әкем» деген термин Иеміз Исаның құдайлығын білдірсе, «Менің Құдайым» Оның адамдығын білдіреді. «Сендердің Әкелерің» дегеніміз сенушілердің жаңа туылу арқылы құдайлық табиғатқа қатысушылар екенін білдіреді. «Сендердің Құдайларың» дегеніміз біздің Мәсіхпен Оның адамдықтағы бауырлары ретінде сәйкестендірілуімізді білдіреді.
Иеміз Мәриямға оны жер бетінде енді болмаса да, оны Әкенің Өзінің қатысуында аспанда болатынын айтты – оның барлық үміттері мен баталары енді Иенің барлық бауырларымен бірге сол жерде шоғырланған. Ол бұл тамаша хабарды Оның Өзіне мойынсұнып жеткізді (18-тармақ).
Лесли М. Гранттың жазбасынан (бейімделген)