Бір күні пойызда келе жатқан бір адам қасында отырған христианмен Киелі кітапты талқылай бастады. «Егер Жүністі кит жұтып қойғанын дәлелдей алсаң, мен Киелі кітаптың қалғанына сенемін», – деді ол.
«Мәсіх туралы не ойлайсың?» – деп сұрады оның серігі.
Бейтаныс жауапқа таңғалған бірінші адам: «Бұл маңызды емес», – деп айқайлады.
«Жоқ, олай емес», – деп жауап берді екіншісі. «Айтшы, Мәсіх дана болды деп ойлайсың ба?»
«Иә, – деді ол, – мен Оны өмір сүрген ең дана Адам деп ойлаймын».
«Ол сен «балық туралы әңгіме» деп атайтын нәрсеге сенген, өйткені Матай 12:40-та Оның не айтқанын қара».
Сенбейтін адам бұл үзіндінің: «Жүніс үш күн, үш түн үлкен балықтың қарнында болғаны сияқты, Адам Ұлы да үш күн, үш түн жердің жүрегінде болады», – деп жазылғанын көріп таңғалды.
«Көрдің бе, – деді христиан, – Иса Жүніс туралы оқиғаға сенген!»
«Рахмет, мырза, – деп жауап берді. – Бұл маған жеткілікті дәлел!»
Ғылыми тұрғыдан
Кейбір адамдар теңізде мұндай үлкен ерлікті жасай алатын тіршілік иесі жоқ дейді. Ғалымдар мұны жақсы біледі. Мысалы, 1912 жылы капитан Чарльз Томпсон Флорида жағалауында үлкен сүтқоректіні гарпунмен ұстады, оны жерге әкелгенде, ішінде тұтастай жұтылған тағы 1500 фунттық балық бар екені анықталды. Томпсонның аулағанын тексергендер оның жиырма орташа өлшемді адамды жұтып қоюы мүмкін еді деді!
Сабақ
Жүністің қиындықтарынан аулақ болу үшін, Құдайдың еркінде болыңыз.
Құдайдың еркінен тыс табыс болмайды; Құдайдың еркінде сәтсіздік болмайды.
